Танин мэдэхүй

Шатахуун идэлтэд нөлөөлөх хүчин зүйлс ба оношлох дараалал

Та машинаа удаан нормалдуулдаггүй, бөглөрдөггүй зэрэг жолоодлогын ямар нэгэн асуудалгүй үед шатахуун идэлт их байвал доорх 6 зүйл хамгийн их нөлөөлөх магадлалтай байдаг.

-Свечэ муудах – Хэмнэлт 0.5-3 литр
Свечэний оч хаях хэсэг нь мотор ажиллах үед байнгын элэгдэлд орж байдаг тул свечэг заасан хугацаанд тогтмол сольж байх шаардлагатай

-Холимгийн хаалтны бохирдол – хэмнэлт 0.2-1 литр
Холимгийн хаалт бохирдсоноор хөдөлгүүрт хангалттай агаар орж чадалгүй агаар болон шатахууны харьцаа алдагдаж эхэлдэг.

-Агаар шүүгч – Хэмнэлт 0.5-0.8 л
Муудсан агаар шүүр нарийн тоосыг шүүж чадалгүй хөдөлгүүрт оруулснаар гэмтээх, шатахуун идэх нөхцөл байдлыг үүсгэдэг

-Түлшний систем бохирдол – Хэмнэлт 20%
Хэвийн хэмжээнээс хэт их шатахуун зарцуулж байвал шалгуулах шаардлагатай

-Инжекторын бохирдол 0.5-1.5 литр
Шатахууныг маш нарийн ширхэгтэйгээр тоосруулан цацах үүрэгтэй эд анги юм. Удаан эдэлгээний явцад бохирдсоноор хөдөлгүүр доголдох, шатахуун зарцуулалт нэмэгдэх зэрэг сөрөг үр дагавартай.

-Дугуйн хийн даралт 4%
Хийн даралт тохиромжгүй байх үед машин шаардлагагүй хүчийг гаргаснаар шатахуун зарцуулалтыг нэмэгдүүлдэг
Техникийн үйл ажиллагаа хэвийн ч таны жолоодлогоос хамаарч бензин идэлт нэмэгддэгийг мартаж болохгүй

Чухам юунаас болж шатахуун зарцуулалт ихэсч байгааг дараах дарааллын дагуу шалгах хэрэгтэй.

  1. Шатахуун алдагдаж байгаа эсэхийг шалгах. Шатахууны сав болон, дамжуулах хоолой, резин хоолойнуудын залгаасаар алдагдах, тагны жийрэг байхгүй сэтэрсэн зэргээс болж алдагдана. Хэрэв хэвийн ОК гэж үзвэл
  2. Шатахууны чанараас шалтгаалж зарцуулалт ихэснэ. Тухайн авто машинд үйлдвэрлэгчээс заасан шатахууныг хийгээгүйгээс шатахуун зарцуулалт ихэснэ. Хэрэв хэвийн ОК гэж үзвэл
  3. Хаазны тросс, чөмөгийн тохиргоо алдагдсан, вакум актуатор дутуу ажиллах зэргээс шатахуун зарцуулалт ихэснэ. Хэрэв хэвийн ОК гэж үзвэл
  4. Тоормосны системийн ажиллагаа муудсан эсэх. Тоормос байнгын зуураастай байх. Тоормослосны дараа түргэн хугацаанд суллаж өгөхгүй байх. Хэрэв хэвийн ОК гэж үзвэл
  5. Ажилласан хийн найрлагын мэдрэгч буюу EGR мэдрэгч ажилахгүй болох, дутуу ажиллах. Хэрэв хэвийн ОК гэж үзвэл
  6. Инжекторт байрлах түлш таслагчийн ажиллагааг шалгах. Хэрэв хэвийн ОК гэж үзвэл
  7. Очлуурын ажиллагааг шалгах. Хэрэв хэвийн ОК гэж үзвэл
  8. Трамблёрын ажиллагаа эсвэл катушкийн ажиллагаа, дамжуулах утсуудыг шалгах. Хэрэв хэвийн ОК гэж үзвэл
  9. Цилиндрийн даралтыг үзэх. Хэрэв хэвийн ОК гэж үзвэл
  10. Поршенгийн бүслүүр буюу кольц. Хэрэв хэвийн ОК гэж үзвэл
  11. Гал зөв тавигдсан эсэх. Хэрэв хэвийн ОК гэж үзвэл
  12. Инжекторыг шалгах. Хэрэв хэвийн ОК гэж үзвэл
  13. Шатахууны даралт тохируулагч вакум клапан, түүний гуурс холбоосуудаар алдагдаж байгааг. Хэрэв хэвийн ОК гэж үзвэл
  14. Хөргөх шингэний темпратурийн мэдрэгч, түүний хэлхээг шалгах (блок дээр байрладаг). Хэрэв хэвийн ОК гэж үзвэл
  15. Холимгийн хаалтын байрлал хянагч. Хэрэв хэвийн ОК гэж үзвэл
  16. Агаарын урсгалын мэдрэгчийг шалгах (голдуу агаар шүүгч дээр байрласан байдаг). Хэрэв хэвийн ОК гэж үзвэл
  17. Хэрэв автомат кроптой бол P болон N байрлалд асаах хэлхээг шалгах (араа шилжүүлэх рычагны доорх контакт болон релейг шалгах). Хэрэв хэвийн ОК гэж үзвэл
  18. Эйркондишний залгах релей, хэлхээг шалгах. Хэрэв хэвийн ОК гэж үзвэл
  19. Хүчилтөрөгчийн мэдрэгчийн хэлхээг шалгах. Хэрэв хэвийн ОК гэж үзвэл
  20. Орох агаарын температур тодорхойлогчийг шалгах. Хэрэв хэвийн ОК гэж үзвэл
  21. Хөдөлгүүрийн компьютер буюу ECU-шалгах, солих.

Эх сурвалж: 0-4 Шатахуун идэлтэд нөлөөлөх хүчин зүйлс ба оношлох дараалал

ХОЛБООТОЙ МЭДЭЭ

2 Сэтгэгдэлтэй

  1. Элдэв янзын юум хольсон хуурамч бензин ард түмний кармаг хоосолж байна. Арай л дэндүү идэж байна. Энэ тал дээр олигтойхон хяналт тавьж хуурамч бензин борлуулдаг компаниудын зөвшөөрлийг цуцлах ёстой.

Сэтгэгдэл

Таны сэтгэгдэл

Back to top button
Close