Нострадамусын таамаглалаар 2019 онд биднийг юу хүлээж байгаа вэ?

Интернэт, телевиз, мэдээллийг олж авах ямар ч арга хэрэгсэл хүмүүсийн зөгнөлийг сонирхох сонирхлыг дарж чадахгүй. Хүмүүс урьдын л адил ирээдүйд болох үйл явдлыг илтгэх зөнчдийн хэлсэн үгийг сонирхон уншдаг хэвээрээ байгаа юм. Ялангуяа Нострадамусын зөгнөл олны анхаарлыг хамгийн ихээр татдаг.

Ирээдүйг зөгнөх хосгүй чадвартай эмч Мишель де Нострдам бага залуу байхын л аливаа шинжлэх ухаанд ихэд сонирхолтой нэгэн байжээ. Арифметик, геометр, гадаад хэл сонирхон судалж байсан боловч огт өөр чиглэлээр ажиллаж эхэлсэн байна. Европт тахлын уршгаар эмх замбараагүй байдал дэгдэх үед тэрбээр өөрийн цаг зав, амь амьдралыг анагаах ухаанд зориулж байсан гэдэг. Тэгвэл энэ яагаад өөрийн чадварт тийм итгэлтэй байсан юм. Магадгүй тэр өөрийн хүчийг мэдэрч, хүн төрөлхтний амьдралыг аврах нь түүний амьдралын утга учир гэдгийг мэдсэн бололтой.

Тэрээр аюулт өвчнөөс эмчлэх эм бүтээгаагүй ч эмчилгээнд гайхалтай үр дүнг үзүүлж байсан юм. Тахлын улмаас түүний эхнэр, хүүхдүүд ч нас баржээ. Ингээд Нострадамус энэхүү аюулт халдвараас аврах аргыг олохын тулд 10 жилийн амьдралаа зориулсан гэдэг. Орон судлал, зөн билиг

Анагаах ухаанд гаргасан түүний гавьяа зүтгэл Нострадамусыг нэр хүндтэй болгоод зогсохгүй нөлөө бүхий танилуудтай болгож чаджээ. Гэхдээ жинхэнэ алдар нэр үүнээс 50 жилийн дараа бий болсон юм. Нострадамус одон орон судлалыг сонирхож, гараг эрхэс, оддыг байршлыг идэвхийлэн сонирхож эхэлжээ. Удалгүй тэрээр анхны бүтээлээ гаргасан байна. Тухайн жилд нь түүний 353 хуудас бүхий “Центурий” цуврал бүтээл гарчээ. Энэхүү зөгнөл Нострадамуст олон таагүй зүйлс авчирсан байна.

Тус улсын засаг захиргаанаас түүнийг хар хүчтэй холбоотой хэмээж, эрүүдэн шүүлтээр байцаалт явуулахаар болсон байна. Ингээд зөнч эр Италид удаан хугацааны турш бүгж, Хенрих хааны эгч түүнд орогнох байр гаргаж өгчээ. Нострадамус нас барахынхаа өмнөхөн л Екатерина Медичитэй уулзаж, өөрийнхөө зөн билгийн талаар ярьсан байна.

Ингээд түүний хэлсэн бүгд нас барсных нь дараа биелсэн байна. Тиймээс тэрээр амьд ахуйдаа зөнч гэсэн алдар нэрийг авч чадаагүй аж. Энэхүү домогт хүний хэлсэн үгийн талаар олон тооны домог яриа яригддаг.

Гэхдээ түүний хэлсэн дэлхийн дайнууд, байгалийн гамшиг, эзэнт гүрний мөхөл, сэргэн мандалт гээд бүх зүйл гайхалтай давхацдагаараа онцлогтой. Түүний бичвэр хуучирсан хэлээр бичигдсэн учраас өдгөө тайлж уншихад амаргүй болжээ. Тиймээс ч Нострадамусын зөгнөл, анхааруулгын ихэнхийг болсноос нь хойш л авах боломжтой. Гэхдээ ямар ч хүнд ойлгогдохоор зөгнөлүүд ч бий. Тухайлбал, тэрбээр Христийг 7-р мянган эхээр л ирнэ гэж зөгнөсөн байдаг. Өөрөөр хэлбэл түүнийг ирэхийг хүлээхийн тулд хүн төрөлхтөн дахин 5000 жил амьдрах хэрэгтэй гэсэн үг.

Нострадамусын 2019 оны зөгнөл

Нострадамусын 2019 оны зөгнөлд тайлагдаагүй олон зүйл бий. Гэхдээ ихэнхийг нь бүр тайлж чадсан байдаг.

Хамгийн түрүүнд хүмүүс байгалийн аюул, эдийн засгийн байдлыг сонирхдог. Нострадамус ирэх зун Европ хавиар маш хүчтэй түймэр болно гэжээ. Ган гачиг, өндөр температурын нөлөөгөөр ой мод түймэрт өртөж, ноцтой үр дагавар авчирна. Дулаарлын асуудалд илүү их анхаарал хандуулах ёстой. Энэ сэдэв нь дэлхийн бүх иргэдийн хувьд хамгийн хөндүүр сэдэв болжээ.

Дэлхийн дулаарал ойрын ирээдүйд илүү том аюул заналхийллийг учруулна. Эдийн засагт дэлхийн томоохон өөрчлөлт хүлээгээд хэрэггүй. Нөхцөл байдал бараг өөрчлөгдөхгүй. Хойд улсуудад эдийн засгийн өсөлт бага зэрэг харагдах боловч ерөнхийдөө дүр зураг хэвээр байна. Хамгийн хөгжилтэй орнуудын удирдагчдын томоохон уулзалт болно. Үүний дүнд хоёр хүчирхэг гүрний харилцаа бага зэрг дулаарна.

Эх сурвалж: party