Орон нутагт сургуулийн тааз нурж, унажээ

Говь-Алтай аймгийн Жаргалан сумын дунд сургуулийн тааз өчигдөр /2018.12.20/ нуржээ. Бага ангийн сурагчдын хичээлийн танхимын тааз нурах үед хүүхдүүд байгаагүй байна. 1975 онд ашиглалтад орсон барилгад жил бүр засвар хийдэг ч нурах аюулд хүрсэн нь олон иргэдэд бухимдал төрүүллээ. Төрийн үйлчилгээ орон нутагт тэр дундаа боловсролын байгууллагад ямар байгааг өчигдөр болсон байдал харуулж өгснийг олон иргэд шүүмжилж байна.