Warning: include_once(/home/spotligh/updown.mn/wp-includes/header.php): Failed to open stream: No such file or directory in /home/spotligh/updown.mn/wp-config.php on line 103

Warning: include_once(): Failed opening '/home/spotligh/updown.mn/wp-includes/header.php' for inclusion (include_path='.:/opt/cpanel/ea-php81/root/usr/share/pear') in /home/spotligh/updown.mn/wp-config.php on line 103
Зоогийн газарт газ дэлбэрч 42 хүн бэртжээ – updown.mn

Зоогийн газарт газ дэлбэрч 42 хүн бэртжээ

Өнгөрсөн ням гаригт Японы хойд нутагт байрлах Хоккайдо арлын Саппоро хотын нэгэн зоогийн газарт газ дэлбэрсний улмаас 42 хүн бэртэж гэмтсэн талаар орон нутгийн хэвлэл мэдээллийн хэрэгслүүд болон цагдаагийн байгууллагаас мэдээлжээ. Дэлбэрэлтийн улмаас тус зоогийн газрын цонхнууд хагаран, ойр орчмын газруудад модны хог хаягдал хөглөрсөн байна.  Гал сөнөөгчид галыг унтраахаар зургаан цагийн турш ажилласан байна.

Зарим оршин суугчид дээрх дэлбэрэлтийг газар хөдөллөө хэмээн бодсон талаараа сэтгүүлчдэд ярьжээ. Нэгэн гэрч Японы олон нийтийн NHK радио телевизэд мэдээлэхдээ “Дэлбэрэлт болсны дараа хий үнэртэж байсан” хэмээн хэлжээ. “CNN” агентлагийн мэдээлснээр, түймэр гарсан зоогийн газар байрладаг Тоёхира дүүрэгт зоогийн болон цэнгээний олон газар үйл ажиллагаа явуулдаг байна.

Цагдаагийн газрын мэргэжилтнүүд дахин гал түймэр гарч, хүмүүс бэртэхээс урьдчилан сэргийлэх зорилгоор зоогийн газрын ойролцоох газарт хамгаалалтын тууз татжээ. Орон нутгийн цагаар 20:30 цагийн орчимд болсон тус дэлбэрэлтийн шалтгааныг тогтоохоор холбогдох албаныхан ажиллаж буй юм байна.

Эх сурвалж: The Japan Today

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн