Таны амралтанд

Нисгэгч болохоор суралцаж буй Монгол охин

Америкт нисгэгчээр суралцаж буй 18 настай Монгол Б.Бат-Амгалан Аризона мужийн, Прескотт хотод байрлах Эмбри-Риддл (Embry-Riddle Aeronautical University) хэмээх нисэхийн сургуульд өнгөрсөн жилийн 8 сард элссэн байна.

Түүний тухай гадаадын нэгэн сайтад нийтэлснийг товчлон сийрүүлье. “Эмбри-Риддл” их сургуульд жил болгон дэлхийн 125 улс, АНУ-ийн 50 мужаас ойролцоогоор 40,000 орчим оюутан залуус элсэн суралцдаг. Тэдний нэг болох Б.Бат-Амгалан охин Цессна-172S (Cessna 172S) онгоцоор нисэж сурч байгаа бөгөөд охины өндөр аав буюу өвөөгийх нь аав болох Санжмятавын Лхагважав нь Монголын Улсын гавьяат нисгэгч байжээ.

mmmmmmm Нисгэгч болохоор суралцаж буй Монгол охин

Монгол улсын нисэх хүчний түүхэнд олон эмэгтэй нисгэгчид байсан бөгөөд 1934 онд гэхэд л С.Ичинхорлоо, Б.Цэрэндолгор, Б.Цээвэндулам мөн Б.Надя хэмээх монгол эмэгтэй нисгэгч нар “По-2” онгоцоор нисэж байсан түүхтэй. Үүнээс хойш 1950-иад оны үеэр Т.Осоргарав, Т.Сумьяа нар алдартай байсан бол, харин 1990-ээд оны үеэр Л.Энхтуяа, Б.Энхмаа, Б.Солонго гэх эмэгтэй нисгэгчид байсан аж. Тэр үеэс хойш 25 жилийн хугацаанд Монголд эмэгтэй нисгэгч гарч ирээгүй бөгөөд удахгүй Монголын нисгэгчдийн эгнээнд удам дамжсан залуу эмэгтэй нисгэгч орж ирэх нь ээ.

ХОЛБООТОЙ МЭДЭЭ

1 сэтгэгдэлтэй

Сэтгэгдэл

Таны сэтгэгдэл

Back to top button
Close