Нийгэм

Түргэний машиныг мөргөсний улмаас эмч нь гэмтжээ

Хан-Уул дүүргийн иргэн 35 настай эмэгтэй нийслэлийн Түргэн тусламжийн төвд “Хэвлийгээр хүчтэй өвдлөө” гэсэн дуудлага урьд шөнө буюу арванхоёрдугаар сарын 11-ний 01.10 цагт өгчээ. Дуудлагын дагуу түргэн тусламжийн эмч очиж үзлэг хийх явцад дуудлага өгсөн эмэгтэйн нөхөр нь согтууран танхайрч, тусламж үзүүлж буй эмчид хүндрэл учруулж элдэв үгээр доромжилсон байна.

Гэвч өвчтөнийг зайлшгүй эмнэлэг хүргэх шаардлагатай байсан учир түүнийг авч явсан байна. Ингээд эмнэлэг хүргэх замд нөхөр нь согтуугаар тээврийн хэрэгсэл жолоодон түргэн тусламжийн автомашины араас мөргөсний улмаас түргэн тусламжийн машинд сууж явсан эмч гэмтэл авч, автомашин нь эвдэрчээ.

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close