Фортуна Батбаяр, Б.Гарамгайбаатар нарт таван жил хүртэл хорих ял төлөвлөн, хэргийг шүүхэд шилжүүлжээ

Нийслэлийн Прокурорын Газраас олны анхаарал татсан зарим хэргүүдэд яллах дүгнэлт үйлдэж, шүүхэд шилжүүлсэн байна. Тухайлбал, Хөгжлийн банкнаас их хэмжээний зээл авсан УИХ-ын гишүүн, Засгийн газрын гишүүн, Эдийн засгийн хөгжлийн сайдаар ажиллаж байсан Н.Батбаярыг албаны эрх мэдэл буюу албан тушаалын байдлаа урвуулан ашигласан.

Тухайн үед УИХ-ын гишүүн, Эдийн засгийн байнгийн хорооны даргаар ажиллаж байсан Б.Гарамгайбаатарын үүсгэн байгуулсан “Монроуд” ХХК-д хууль бус давуу байдал олгож, улсын төсөвт их хэмжээний хохирол учруулсан хэмээн буруутган

Н.Батбаяр, Б.Гарамгайбаатар болон Зам тээврийн яамны Авто замын бодлогын хэрэгжилтийг зохицуулах газрын даргаар ажиллаж байсан Р.Онон нарт 2002 оны Эрүүгийн хуулийн зохих зүйл хэсгийг журамлан мөн хуулийн тусгай ангийн 263 дугаар зүйлийн 263.2 дахь хэсэгт зааснаар ял оноож, яллах дүгнэлт үйлдэн шүүх рүү шилжүүлжээ.

Эрүүгийн хуулийн 263 зүйл:

 АЛБАН ТУШААЛЫН ГЭМТ ХЭРЭГ

263 дугаар зүйл. Төрийн албан тушаалтан албаны эрх мэдэл буюу албан тушаалын байдлаа урвуулах

263.1.Төрийн албан тушаалтан албаны эрх мэдэл буюу албан тушаалын байдлаа урвуулан ашигласны улмаас аж ахуйн нэгж, байгууллага, иргэний хуулиар хамгаалсан эрх, ашиг сонирхолд үлэмж хэмжээний хохирол учирсан бол тодорхой албан тушаал эрхлэх, үйл ажиллагаа явуулах эрхийг гурван жил хүртэл хугацаагаар хасах буюу хасахгүйгээр хөдөлмөрийн хөлсний доод хэмжээг таваас тавь дахин нэмэгдүүлсэнтэй тэнцэх хэмжээний төгрөгөөр торгох, эсхүл нэгээс гурван сар хүртэл хугацаагаар баривчлах ял шийтгэнэ.

263.2.Энэ хэргийг давтан үйлдсэн,уг хэргийн улмаас их хэмжээний хохирол, хүнд хор уршиг учирсан бол тодорхой албан тушаал эрхлэх, үйл ажиллагаа явуулах эрхийг таван жил хүртэл хугацаагаар хасч хөдөлмөрийн хөлсний доод хэмжээг тавин нэгээс нэг зуу дахин нэмэгдүүлсэнтэй тэнцэх хэмжээний төгрөгөөр торгох, эсхүл таван жил хүртэл хугацаагаар хорих ял шийтгэнэ.

Тайлбар: Энэ бүлэгт дурдсан төрийн албан тушаалтан гэдэгт төрийн байгууллагад удирдах, гүйцэтгэх албан тушаал эрхэлж байгаа этгээдийг хамааруулна.

updown.mn

Мэдээний админ

Learn More →

4 thoughts on “Фортуна Батбаяр, Б.Гарамгайбаатар нарт таван жил хүртэл хорих ял төлөвлөн, хэргийг шүүхэд шилжүүлжээ

  1. Zochin 2018-12-11 14:29 at 14:29

    buh nasaar ni horiochee odoonii huuli haashaa ch bolchihson ymbedee.2-jil hudgiin manaach hiigeed garaad irdeg zavaarsan ym

    Хариулах
  2. Zochin 2018-12-11 16:20 at 16:20

    Kheden terbumig huschihsan nuhdvvded arai l baina deerhi vnen heljee

    Хариулах
  3. tj 2018-12-11 22:27 at 22:27

    ingeedl boloo yu turiin mini suld

    Хариулах
  4. Dorjderem 2018-12-12 05:38 at 05:38

    Xoxirliig ni baragduulna biz dee. Suulaa geed uls yu xojix yum. Yunii umnu absaniig ni tuluulbel ulsad xeregtei biz dee. Duusan nertei,amarvh bgaad garch irexed mungu ni belen.

    Хариулах

Dorjderem-д хариу үлдээнэ үү Хариултыг цуцлах

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн