Германы Рот гэдэг жижиг хотын хүүхдүүд нус, нулимсандаа хутгалдаж байгаа аж. Учир нь хотын захиргаа тэдэнд жил бүр уламжлал болгон хийдэг нэгэн зүйлийг нь хориглосон байна. Тус хотын хүүхдүүд Санта өвөөд захидал бичиж, хотын гацуур модон дээр өлгөхийг хориглосон аж. Ер нь бол хотын удирдлагын түмэн зөв гэнэ шүү. Энэ уламжлалт үйл олон жилийн туршид хууль ёсыг зөрчиж, таагүй үр дүнд хүргэх аюултай байсан юм.
Яагаад гэвэл хүүхдүүд Сантад захидал бичихдээ өөрсдийн хүсэл, мөрөөдлийг дурдаад зогсохгүй нэр, нас, гэрийн хаягаа хүртэл бичиж байсан гэнэ. Ингээд эцэг, эхийнхээ зөвшөөрөлгүйгээр тэр бүх захидлаа хотын төв талбайд сүндэрлэх гацуур модон дээр өлгөдөг байжээ. Хууль, журмаараа бол энэхүү мэдээллийг ил болгохын тулд заавал ч үгүй эцэг, эхийн зөвшөөрөл байх ёстой гэнэ. Тухайн хүүхдийн талаарх мэдээллийг хэн нэг гуравдагч этгээд авах ёсгүй гэсэн үг.
Эх сурвалж: wikimon.mn