Ханиадыг эмгүйгээр дарцгаая

Томуу, томуу төст өвчний тархалт нэмэгдэж буйтай холбогдуулан НЭМҮТ”ээс тус өвчний эсрэг уламжлалт эмчилгээний аргуудыг танилцуулж байна.

Сонгины өтгөрүүлсэн шүүс

Нэг том сонгиныг жижиглэн хэрчээд, 50гр бор элсэн чихэр эсвэл мөсөн чихэртэй хольж хэдэн цаг амраана. Ингээд тунасан шүүснээс нь өдөрт 4-6 цайны халбага ууна.

Нимбэгний шүүс

Нэг нимбэг буюу лимоны шүүсийн буцалсан халуун усанд шахаж бага зэрэг зөгийн балаар амтлан 150 гр-аар өдөрт 3-5 удаа ууна.

Шар дэр цэцгийн навчин цай

Хоолой сөөсөн үед шар дэр цэцгийн навчийг 200 мл буцалсан усанд хийж 15 минут хандлаад хоёр цаг тутамд хоолойгоо зайлаарай .

Халуун усанд суух

38 хэмийн халуун усанд 10 минут суухад үе мөчний өвчинг намдааж, хамрын нус гоожихыг намжаадаг. Гэхдээ халуурч байвал халуун усанд сууж болохгүй.

Аарц буцалгаж уух

Аарц буцалгаж, зөгийн бал, эсвэл элсэн чихэртэй халуунаар нь уугаарай. Давсны уусмал Нэг цайны халбага давсыг нэг литр буцалсан бүлээн усанд хийж сайтар хутгана. Уусмалыг пипетткээр хамранд 3-5 дуслыг өдөрт 3-4 удаа дусаана.

Балжингарав цэцэг, гаа, гаврын тосоор хамар, хоолойгоо утах

Хоёр литр ус буцалгаад гааны тос болон ганга цэцгийн ногоон навчны тос хэдэн дусал дээр нь хийнэ. Мөн балжингарав цэцгийн ханд хийгээд толгойгоо нүүр гарын алчуураар бүтээгээд савтай усныхаа дээр хамар, амаараа гүн амьсгалж 10 минут утаарай6

Адууны мах

Адууны махыг чанаж, тосыг нь шүүсэн шөлийг сармистай уух, эсвэл аарцтай хольж ууж болно. Мөн хонины мах, сармис, перецтэй битүү шөл уух.

Тахианы шөл

Ханиад хүрсэн үед тахианы шөл дархлаа дэмжиж, халдварыг намжаадаг, тахианы шөлөө лууван, ногоон сонгино , сармис перецтэй, жууцай зэргээр амтлана.

Цагаан гааны ханд

Хоёр см орчин цагаан гааг хэрчиж 0,5 литр буцалсан ус дээрээс нь хийж хандална. Амттай болгоё гэвэл зөгийн бал, жүржийн шүүс нэмж болно.

Эх сурвалж: “Үндэсний шуудан” сонин

2 thoughts on “Ханиадыг эмгүйгээр дарцгаая

  1. b 2018-11-16 16:27 at 16:27

    чацарганы шүүс халуунаар нь бас ууж болно

    Хариулах
  2. зочин 2018-11-16 23:03 at 23:03

    ер нь бол ханиад эм уусан уугаагүй хоол ундаа сайн идээд бага зэрэг амархад л тодорхой хугацааны дараа эдгэдэгээрэй л эдгэнэ. Эмийн сангууд гэдэг шулаачид л ханиадаар далимдуулж түрүүлвчээ зузаалдаг нь угаасаа ойлгомжтой штээ.

    Хариулах

зочин-д хариу үлдээнэ үү Хариултыг цуцлах

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн