Warning: include_once(/home/spotligh/updown.mn/wp-includes/header.php): Failed to open stream: No such file or directory in /home/spotligh/updown.mn/wp-config.php on line 103

Warning: include_once(): Failed opening '/home/spotligh/updown.mn/wp-includes/header.php' for inclusion (include_path='.:/opt/cpanel/ea-php81/root/usr/share/pear') in /home/spotligh/updown.mn/wp-config.php on line 103
Бие засах гэж машинаас буусан хүн сураггүй алга болжээ – updown.mn

Бие засах гэж машинаас буусан хүн сураггүй алга болжээ

Сэлэнгэ аймгийн Баянгол сумын Баян багийн нутаг “Хустайн” даваанд автомашинаас бие засах гэж буусан хүн сураггүй алга болсон тухай дуудлага энэ сарын 12-нд буюу өчигдөр иржээ. Дуудлагын дагуу тус аймгийн Онцгой байдлын газрын алба хаагчид 23:27 цагт очиж, зорчиж явсан 2 иргэнтэй хамтарч Хустайн Даваанаас урд чиглэлд төв замын дагуу эрэн хайх ажиллагааг эхлүүлжээ. Дундговь аймгийн Дэлгэрцогт сумын Цахиурт багийн харъяат 47 настай иргэн А /эрэгтэй/ нь Дархан-Уул аймгаас Улаанбаатар хотын чиглэлд /5 зорчигчтой/ иргэн Э-ын “Приус-11” загварын автомашинтай зорчиж байсан бөгөөд тэд сумын төвөөс зүүн урд зүгт 26 км-т явж байжээ.

Мөн Төв аймгийн Мөнгөнморьт сумын Жаргалант багийн “Хэрлэнгийн таван салааны гүүр” гэдэг газар гэртээ харихаар гарсан Дэлгэрхаан сумын харьяат 52 настай иргэн С /эрэгтэй/ сураггүй болжээ. Тэрээр “Таван салааны модон гүүрний хяналтын цэг”-ээс энэ сарын 8-ны 01:00 цагт гарсан аж. Тухайн газраас гэр хүртэл нь 1 км орчим зайтай юм байна. С-г сураггүй болсон тухай дуудлагыг энэ сарын 9-ний  08:24 цагт хүлээн авч, тус аймгийн Онцгой байдлын газрын алба хаагчид ар гэрийнхэн болон орон нутгийн иргэдтэй хамт нийт 14 хүн эрэн хайх ажиллагааг эхлүүлжээ. 12-ны өдрийн байдлаар Хэрлэн голын Таван салааны модон гүүрнээс Жаргалант багийн “Гангын-Үзүүр” гэдэг газар хүртэл 9 км-т завьтай, 5 удаа гүний шумбалт хийж, мөн голын эрэг дагуу 4 км-т явганаар эрэн хайх ажиллагаа зохион байгуулсан боловч үр дүнд хүрээгүй тул 17:40 цагт түр зогсоогоод өнөөдөр (2018.11.13) 09:00 цагт дахин эхлүүлжээ.

Завхан аймгийн Эрдэнэхайрхан сумын Багануур багийн нутаг “Хар” нууранд загасчлахаар явсан 48 настай Ж /эрэгтэй/ сураггүй болсон дуудлагыг тус аймгийн Онцгой байдлын газар өчигдөр (2018.11.12) хүлээн авчээ. Улиастай сумын Жинст багийн харьяат иргэн Ж нь энэ сарын 12-ны өдрийн 13:00 цагийн орчим завьтай явсан бөгөөд түүнийг сураггүй болсон тухай дуудлага 19:43 цагт ирсэн байна. Дуудлагын дагуу Онцгой байдлын газрын алба хаагчид эрлийн ажиллагааг зохион байгуулж байна.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн