Эдийн засаг

Монгол Улсын дансанд 500 сая доллар оржээ

Хөгжлийн банкны дансанд өчигдөр буюу /2018.10.24/ шинэ бондын 500 сая ам.доллар орж ирсэн гэдгийг тус банкны гүйцэтгэх захирал Б.Батбаяр мэдээлэв. Монгол Улсын Хөгжлийн банк олон улсын зах зээлээс анх удаа Засгийн газрын баталгаагүйгээр 500 сая ам.долларын бонд босгосон билээ. Тус бондыг таван жилийн хугацаатай, 7.25 хувийн купонтой, 7.5 хувийн өгөөжтэй босгосон.

Уг эх үүсвэрийг өмнөх зээлийг дахин санхүүжүүлэх буюу Хөгжлийн банкны богино хугацаатай бонд, зээлийн эргэн төлөлтийг барагдуулах юм байна. Тухайлбал, Хятадын Хөгжлийн банкнаас авсан 250 сая, Кридет свисс банкны хөвөгч хүүтэй 300 сая ам.долларын зээлийн эргэн төлөлтөд зарцуулах аж. Ингэснээр Хөгжлийн банк богино хугацааны гадаад өр төлбөргүй болж, дотооддоо урт хугацаатай зээл олгох боломжтой болж байгааг Б.Батбаяр захирал онцоллоо. Сая босгосон Хөгжлийн банкны бондын арилжаанд 200 орчим хөрөнгө оруулагчаас 4.1 тэрбум ам.долларын захилга ирсэн байна.

ХОЛБООТОЙ МЭДЭЭ

1 сэтгэгдэлтэй

  1. Энэ мөнгийг эрх мэдэлтнүүдэд дуулгаж болохгүй. Хөгжлийн банкыг дампууруулна шүү. Одоо хөгжлийн банкинд хайртай олигархуд гарч ирнэ.

Сэтгэгдэл

Таны сэтгэгдэл

Back to top button
Close