Улс төр

Аравдугаар Богдоор тодорсон уул уурхайн магнатын зээ хүү АНУ-ыг зорьжээ

Монголчууд бид 2014 онд дэлхий даяар нэлээдгүй их шуугиан дэгдээн байж 14-р Далай ламыг эх орондоо урьж авчран бурхан шашны оройн дээд шүтээн Богд Жавзандамбынхаа хойд дүрийг тодруулсан билээ. Монголоос хүчирхэг улс орнууд Хятадаас айгаад 14-р Далай ламыг урин залж чадахгүй болгоомжилж байхад эдийн засгийн хувьд Хятадаас 100 хувь хараат гэгддэг Монгол Улс Бээжингийн дарамтыг үл тоомсорлон Далай ламыг урин залж, гүн хүндэтгэлтэйгээр бишрэн хүлээж авах үед бидний эр зоригийг дэлхийн их гүрнүүд хүртэл шагшин гайхаж байлаа.

Хамгийн гол нь бид эр зоригтойдоо ингэсэн юм биш гүн гүнзгий сүсэг бишрэлтэй учраас л ийнхүү Бээжингийн дарамт болон эдийн засгийн бүслэлтийг үл хайхран нэг үгээр хэлбэл амь өрсөн байж Далай ламыг нутагтаа авчирсан болой. Далай лам манай улсад дөрөв хонохдоо 125 хүүхдийн нэрсийг цуглуулж гурван янзаар шодож үзээд нэгэн балчир хүүг 10-р Богд мөн гэж тодруулсан байв.

Гэхдээ хүүхдийн нас бага байгаа учраас одоохондоо ил тод зарлаад хэрэггүй хэмээн сануулсан юм даг. Харин энэ үеэс эхлэн манайдаа л нэр нөлөөтэй, эрдэм чадалтайд тооцогдох лам нар нялх Богдод санаа тавин тусгай хүмүүс томилон асруулахын зэрэгцээ бурхны ном зааж эхэлсэн гэх яриа лам нарын дундаас сонсогдож байсан юм.

Харин 10-р Богдын асуудлыг ингэж нууцлах тусам янз бүрийн цуу яриа түймэр шиг тархаж эхэлсэн бөгөөд 10-j Богдын хойд дүр будилсан, баян хүний хүүхдийг хүчээр тодруулсан гэдэг хардлага ч гарч байгаа. Тэгвэл сүүлийн үед Аравдугаар Богдын асуудлыг гадаадын тусгай албад хүртэл их сонирхох болсон учир аюулгүй байдлыг нь хамгаалахын тулд хэд хоногийн өмнө хүүгийн эцэг эх хоёр АНУ руу авч одсон гэх мэдээлэл бидэнд олдсон юм. Тэднийг Гандантэгчинлэн хийдийн хөдөө орон нутгийн сүм хийдийн асуудал хариуцсан Гавж лам Д.Лувсанжамц дагаж явсан аж.

44771143_1819104814868848_2127819595501797376_n-300x213 Аравдугаар Богдоор тодорсон уул уурхайн магнатын зээ хүү АНУ-ыг зорьжээ

Гавж ламын эхнэр нь АНУ дахь Монголын ЭСЯ-эд ажилладаг учраас алсдаа Аравдугаар Богдын орд өргөө АНУ-д баригдах асуудал ч яригдаж магадгүй юм байх. Аравдугаар Богд АНУ-д жил гаруй амьдраад 2020 оны сонгуулийн өмнөхөн Монголд ирж, улмаар ширээндээ ёслол төгс заларна гэсэн мэдээлэл бас байна.

Богдоор тодорсон хүү нь эгэл жирийн боргил айлын хүүхэд биш эмээ нь МАН-ын нэлээн том олигархи, эцэг эх нь уул уурхай, барилгын салбарт нэлээн хүчтэй чинээлэг хүмүүс юм байх. Далай лам маш баян гэр бүлээс 10-р Богдыг тодруулсанд манай лам нар эхлээд дургүйцэх хандлагатай байсан ч Богдын зардал өндөр учраас чинээлэг айлаас тодруулсан нь зөв хэмээн дэмжицгээсэн юм байна.

Саяхан Монголын лам нар өмнөх богдуудын дүрийг батламжлан зөвшөөрдөг байсан Их хүрээний Хамба Номун хаан цолыг сэргээн Гандантэгчинлэн хийдийн Тэргүүн Д.Чойжамцыг Хамба Номун хаанаар өргөмжлөн Монгол дахь Бурханы шашны бүхий л асуудлыг толгой мэдэн шийдэх эрх олгосон нь 10-р Богдыг ширээнд нь залах бэлтгэлээ бага багаар базааж байна гэсэн үг юм. Харин богдыг ширээнд нь залах ёслол УИХ-ын сонгуулийн өмнө болохоор цаг нарыг тааруулж байгаа нь МАН-ынхан шашин шүтлэгийг сонгуульд ашиглахаар шийдсэн хэрэг үү гэсэн сэжиг төрүүлж байгааг нуух юун.

10-р Богдын дүр ийнхүү эргэлзээ ээдрээнд орооцолдсон явдлыг настай лам нар тун сонин байдлаар тайлбарлаж байгаа нь анхаарал татсан юм. Тэдний үгээр бол богдын дүр ганц энэ удаа ч ингэж ээдэрч, элдэв ярианы бай болж байгаа биш юмсанж. 1924 онд Наймдугаар Богд Жавзандамба хутагт жанч халсаны дараахан 8-р Богдын төрсөн дүү, Чойжин лам Лувсанхаймчиг, Бизьяагийн ламтан, Дүйнхорын Цогт Зандан Цорж, Богдын долоон цоржийн нэг Чойнзон лам тэргүүтэй тэр үеийн богдын хүрээний томоохон лам нар Наймдугаар Богдын хойд дүрийг тодруулахаар сунтаг шуйлж хараагийн дарь эхийн шавь Цэнджавын хүү Лувсандоржийг Банчин богдын айлдвар зарлигаар тодруулан залсан ажээ.

Гэвч тэр үеийн төр засгийн удирдлагууд “Хаант засгийг ахин сэргээхгүй, иймээс богдын дүрийг тодруулах шаардлага огт байхгүй” хэмээн лам нарыг буруутган цаазалсан аж. Хэлмэгдүүлэлтийн эх үндэс ч ингэж тавигдсан байна. Наймдугаар богдын хойд дүрээр тодорсон Лувсандорж хүү 1938 он хүртэл амьд сэрүүн байж байгаад 14 настайдаа хэлмэгдүүлэлтэнд өртөн цаазаар хороогдсон ажээ.

Тодруулбал 9-р Богд 1924 онд Монгол орноо харц ардын гэрт тодроод 1938 онд амиа алджээ. Харин үүний дараахан 1939 онд Банчин богд Монголын богдын хойд дүрийг өвөр Монголд тодруулжээ. Тийнхүү тодорсон хүн нь ар, өвөр Монголын богд хэмээн өвөрлөгч хошуудад залагдаж явсаар 1970-аад оны дунд үед жанч халсаныг өвөр монголчууд түүхийн хуудаснаа бичин үлдээсэн юмсанж. Банчин богд манай Богдын хойд дүрийг Өвөр монголд тодруулж байх үед Түвдийн засгийн газрын түлхээсээр 14-р Далай лам 1936 онд төрсөн өөрийн хамаатан Жамбалнамдаллувсанчойжижанцан хэмээх хүүг Монголын Наймдугаар богдын хойд дүр хэмээн зарласнаар хоёр ч богд зэрэг гарч ирээд ээдрээ будилаан эхэлсэн аж.

44653841_2143554569268977_466091955495895040_n-300x217 Аравдугаар Богдоор тодорсон уул уурхайн магнатын зээ хүү АНУ-ыг зорьжээ

Харин тухайн үед бараг л Монголын бурхан шашны тэргүүн байсан Дилов хутагт Жамсранжав Түвдэд очиж Далай ламын тодруулсан 9-р Богдыг хараад “Энэ миний хутагт биш байна” гэж хэлчихээд явсан бөгөөд Монголын бурхан шашны нүүр царай болсон Дилов хутагт огт тоогоогүй учир Түвдээс тодорсон Есдүгээр богд олон жил чимээгүй явсаар 1990 онтой золгожээ. Дилов хутагтыг таалал болсоны дараа 14-р Далай лам уг хэргийг дахин сэргээх зорилгоор Дилов хутагтын хойд дүрийг дур мэдэн Америкаас тодруулж улмаар тодруулсан Дилов хутагт нь Далай ламын хамаатныг Наймдугаар богдын хойд дүр мөн хэмээн зөвшөөрсөн юм байна.

Эндээс уншигч та Наймдугаар богдын хойд дүрийг тодруулах явдал ихээхэн будлиантай болсныг ойлгосон биз ээ. Гурван өөр газарт гурван ч хүн Богдын хойд дүрээр тодорч нэг нь хэлмэгдэж, нөгөөх нь 1970 онд нас барж, гурав дахь өтөл насандаа Монгол Улсад ирж, Монгол Улсын иргэн болоод таалал болсон юмсанж. Гэхдээ энд бас нэг эргэлзээ гарч ирж байгаа юм.

44744844_1545156575583895_1829966370893201408_n-300x270 Аравдугаар Богдоор тодорсон уул уурхайн магнатын зээ хүү АНУ-ыг зорьжээ

Есдүгээр Богд асан ЖАВЗАНДАМБА ХУТАГТ ЖАМБАЛНАМДОЛЧОЙЖИЖАНЦАН 

Хэрвээ Монголд тодорсон Лувсандорж хүүг Богдын ес дэх дүр гэж үзэх юм бол түүнийг нас барсанаас хойш нэг жилийн дараа өвөр Монголд тодорсоныг нь арав дахь дүр гэж тооцох ёстой болно. Тийм учраас эдүгээ 10 биш харин 11-р Богдыг тодруулах ёстой болж таарна. Мөн Далай ламын тодруулсан, түүний хамаатан болох Жамбалнамдаллувсанчойжижанцан нь 9-р Богдын жинхэнэ дүр биш бол түүний хойд дүрийн асуудал тун ярвигтай болно.

Түвдүүдийнхээ эрх ашгийг илүүд үзсэн Далай лам богдын ес дэх дүрийг өөрийн хамаатнууд дотроос хүчээр тодруулсан бол бид өнөөдөр богдын арав дахь дүрийн асуудалд ач холбогдол өгөх нь утгагүй. 1939 онд өвөр Монголд тодорсон богдын хойд дүр 1970-аад онд жанч халсны дараа хойд дүр нь хаа нэгтээ төрчихөөд өдгөө жирийн хүний замналаар амьдарч яваа бол яана.

Өөрөөр хэлбэл та бид богдоо танихгүй будилж яваа юм биш биз. Хэрвээ тийм бол 2016 онд бид 14-р Далай ламыг шал дэмий урин авчирч 10-р Богдын хойд дүр тодруулсан гэх худал хуурмаг явдалд итгэн сүсэглэх шаардлагагүй. Хятадуудтай сөргөөцөлдөн байж Далай ламыг залж авчраад тодруулсан аравдугаар богдын асуудал өдөр өнгөрөх ээдрээтэй, зөрчилтэй болж байгаа нь тоогүй.

Эцэст нь нэг зүйлийг онцлоход Далай лам Монголд ирээд 10-р Богдын дүрийг тодруулахдаа чамгүй их шан харамж авсанаас гадна МАН-ын нөлөө бүхий лидерийн ач хүү, мөн Монгол Улсын Ерөнхийлөгч байсан хүний өргөмөл хүүхэд, УИХ-ын эмэгтэй гишүүн, МАН-ын олигархын зээ хүү зэрэг гурвын гурвын хүүхдээс аль нэгийг нь сонгох даалгавар аваад нэлээн эргэцүүлсэний дараа эмэгтэй гишүүний ач хүүг 10-р Богдоор тодруулжээ.

Ямар учраас энэ хүүхдийг онцлов гэтэл олон жил уул уурхайн бизнес эрхэлсэн эмэгтэй гишүүн хажуудаа гурвын гурван Түвд ринбучиг халамжлан тэтгэж, хаус хүртэл барьж өгсөн юмсанж. Энэ явдлыг дээрхийн гэгээн Далай лам онцгойлон анхаарч нэгэн цагт өөрийн хамаатнаа Богд Жавзандамбын хойд дүр хэмээн зарласан шигээ Түвд лам нарт таатай ханддаг эмэгтэйн талд асуудлыг шийдсэн байна.

Тэгэхээр 10-р Богдын асуудал улс төрийн ашиг сонирхолтой хүртэл холбогдоод явчихаж байгаа юм. Ард олны сүсэг бишрэлийг далимдуулсан ийм бусармаг зүйл болоогүй байгаасай хэмээн найдаж байгаа ч Богдын хойд дүр тодруулах үйл ажиллагаа нь дэг жамаараа, номын ёсонд зааснаар биш харин хөндлөнгийн эрх ашиг холилдсон утгагүй зүйл болсон нь улам л тодорхой болж байх шиг.

“НОЦТОЙ МЭДЭЭ” сонин №29/699/

ХОЛБООТОЙ МЭДЭЭ

31 Сэтгэгдэлтэй

  1. хөөе сэтгүүлч гуай өөрт чинь ёстой падлий ч байхгүй за, угаасаа дээдсүүд нэг бол маш ядуу айлд төрдөг, нэг бол баян айлд л төрдөг. өөрсдийнх нь сонголт. хэрвээ энэ мэдээлэл үнэн бол, Лувсанжамц гэж мундаг лам Америклуу аваад явсан бол би маш их баярлаж байна. Муусайн хятадуудаар яахыгаа заалгана гэж байхчгүй шүү.

  2. Түвдүүд яагаад ийм болчихсийм бол?

    Түвдүүд яг л мал шиг болчихсон, товчдоо бол жинхэнэ тэнгэр нь хаячихсан, хийморь золбоогүй ард түмэн юм! Энэ талаар жоохон дэлгэрүүлээд ёс заншил талаас нь эхлээд ярья. Жишээ нь хүн өөд болоход хамгийн сайн оршуулах ёслол нь нас барсан хүнийхээ цогцсыг тусгай бэлтгэгдсэн (цогцос цавчаад тас шувуунд хаяж өгдөг хүн нь аймшгийн царайтай, бас байнга архи ууна, уухгүй бол яаж ч үхсэн хүний хүүр цавчиад сууж байхав дээ!) хүнээр үе мөчөөр нь бага багаар жиргүүлээд тэнгэрт тойрон эргэлдэх тас шувуунуудад хаяж өгдөг. Сэжиг төрмөөр байгаа биз?, хоёрдугаарт нэг айлын төрсөн ах дүүс дундаа нэг эхнэртэй байдаг, заваан байгаа биз?. Яагаад түвдүүд ийм заваан, сэжиг төрөм үйлдлүүд хийдэг, яагаад ийм үхээнц дорой болсон талаар хэдхэн зүйл бичье. Энэ нь ерөөсөө л тэдний шүтдэг бурхны шашин гэгчтэй холбоотой байдаг! Баабарын нүүдэл суудал”-д энэ талаар “Түвдүүд ерөөс ийм үхээнц дорой байгаагүй юм аа, хятадын Цин улсын үед хүчирхэг түвдүүдийн довтолгооноос эмээсэн хятадууд өөрсдийн үзэсгэлэнт гүнж нараа түвдүүдэд төрөл бүрийн алт эрдэнэсийн хамт бэлэг барьж байлаа, харин Соронзонгомбо хааны үед бурхны шашны үзэл суртал орж ирсэнээс хойш энэ гайхамшигт ард түмэн уруудан доройтох замдаа орсон, товчдоо энэ улсад улс төрчид биш, шашны үзэл суртал л ноёрхлоо тогтоосон” хэмээн халаглан бичсэн байдаг юм. Монголчууд Хубилайн үед энэ шашныг түвдээс экспортлож авсан. Дараа нь Түмэдийн Алтан гэх хааны үед бурхны шашны хамгийн харгис хэлбэр болох “Ламаизм”-н урсгал манайд хүчтэй орж ирсэн байдаг. Харин Монголд орж ирсэн энэ шашин нь Манж, хятадууд алсдаа дайнч түрэмгий Морьтон Монголчуудыг эзлэн авахдаа хэрэглэсэн хамгийн үнэнч зэвсэг нь болсон гэдгийг түүхийн бараан үнэн товч тодорхой харуулсан юм! Товчдоо бол Монголын бага хаадын үеэс хойш иргэний дайн тулаанаас нэгэнт залхсан байсан Монголчуудыг түвдийн шашны номхон хүлцэнгүй үзэл хүлэг морьноос нь буулгаж, эрхи эргүүлж, хойд насны дахин төрөлтийн талаар бодсон шашны боол болгосон юм! Мөн манж, хятадууд Монголчуудын нэгдсэн удирдлагыг үгүй хийхийн тулд нас барсан шашны лидерүүд нь дахин дахин хүний дүрд хувилаад явдаг гэх зүйлийг ашиглан Монголд маш олон тамгатай хутагтууд, том толгой лам нарыг бий болгосон. Товчдоо бол нэг жалганд нэг том ламыг бий болгоно, тэд нар өөрсдийн шавь ардтай, мал хөрөнгөтэй байх бөгөөд, давхар манж нараас цалинждаг байв. Том толгой лам нарыг үй олноор нь бий болгож байсан энэхүү явдал нь ерөөсөө л Монголчуудыг нэг удирдлагагүй, тархай бутархай байлгах үндсэн гол зорилготой байсан бөгөөд, зорилгоо ч бүрэн биелүүлсэн юм ! ОДОО ТЭГЭЭД ТҮВД ШИГ БОЛОН ГЭЭ ЮУ???

  3. ха ха Төр Шашин 2-ыг Хослуулан барих юм биз дээ Алс даа Бид чинь Их Номун хаантай болчихсон Уул шугамандаа тэгээд Шашины талынхан Төр барих бэлтгэлээ одооноос базааж байгаа ухаантай юм биз дээ энэ л Бидэнд дутаж гэнэ дээ

  4. Burhan torson bolon Shashin uussen gazar nutag hamgiin muu muuhai amidraltai bdag….Tovd, Palestin, Arabiin ertontsiig harahad l oilgomjtoi…Esvel Burhan ni torson gazraa uurlaad haraasan yum bolov uu? Odoo zugeer biznes bolson ain…..

  5. …”Гавж ламын эхнэр нь АНУ дахь Монголын ЭСЯ-эд ажилладаг…” ЕЭ БУРХАН ГОНЧИГСҮМ МИНЬ, БИ ЮУ УНШИЧХАВ АА

    1. Яасан их эргэж төрдөг хувилдаг дүрүүд вэ хө. Тийм чадалтай гэгээрсэн юм дахиж төрөх учиргүй тэнгэртэй байхсан. Идэж уух захирах мөргөх үйлээ гүйцээж чадахгүй чадваргүй хувалз заяандаа дахиж төрдөг юм болов уу.Одоо болиоч ээ наад хойт урьд дүр нэртэй мухар киногоо. Далай лам гэгч илбэчний курсээ дээшлүүлж уран сайханч бэлтгэх курсын дараагийн элхэлт энэ үү. Муухан хошин шог. Түвдийн араас орж сүйрэх дутаж дээ ухаангүй мухар сүсэгтэн үхэр монголчууд минь.

    2. Гавж цолтой бас болоогүй эхнэртэй тэр бас АНУ д элчин сайдын яаманд төсвөөс сорсон бос нэг хувалз шалзны төрөл. Ороо жороогоорой гэж шимэгчүүд хүртэл хоорондоо сууна. Хөөрхий тэр хүүгийн эцэг эхийг бас сороостой хойто урьд дүр гэж итгүүлээд.

  6. УГААСАА Л НЭГ ШАШИНТАЙ, НЭГ ДАЛАЙ ЛАМТАЙ, НЭГ УЛСААС ХАРААТ, ХҮНИЙ НИЙГМИЙН ХӨГЖЛИЙН АДАГТ, ДЭЛХИЙ НИЙТИЙН ДОРОМЖ ТОХУУ БОЛСОН, ХАРИ ТАНГУДЫН ХАРААЛД НЭВЧИРСЭН “ИХЭР АРД ТҮМЭН”-үүд БИЗДЭЭ.

  7. Яасан их эргэж төрдөг хувилдаг дүрүүд вэ хө. Тийм чадалтай гэгээрсэн юм дахиж төрөх учиргүй тэнгэртэй байхсан. Идэж уух захирах мөргөх үйлээ гүйцээж чадахгүй чадваргүй хувалз заяандаа дахиж төрдөг юм болов уу.Одоо болиоч ээ наад хойт урьд дүр нэртэй мухар киногоо. Далай лам гэгч илбэчний курсээ дээшлүүлж уран сайханч бэлтгэх курсын дараагийн элхэлт энэ үү. Муухан хошин шог. Түвдийн араас орж сүйрэх дутаж дээ ухаангүй мухар сүсэгтэн үхэр монголчууд минь.

  8. Алтны магнат , газар шороо лус савдаг хилэгнүүлдэг эмэгтэй олигархийн зээ хүү тэгээд Богдоор тодрохоор шашин нь хүртэл худлаа болсон юм бна даа. Түмэн олонд ач тусаа үлүүлэх эгэлгүй чадал зөн мэргэн шинжээ өөрөө харуулсан бол яае гэхэв.

  9. ямарч байсан БОГДТОЙ болоод авах нь чухал ,эрүүл саруул хүүхэд бол ном сурч ,МОНГОЛ эх орноо гэсэн чин сэтгэлтэй ,тулбартай сахилгатай лам болвол болоо, хэний нэх байхыг багш нар нь болгооно биз дээ.

  10. одоо ч цаг үе өөр болж дээ. Өмнө нь тодрууллаа гэхээр нэг л нууцлаг юм байна. цаанаасаа төж гээд л сүсэглэдэг байлаа. одоо олон л юм өөрчлөгдөж, ил тод болж байна. Яахав хөөрхий цагаа дагаад олон хүн сүсэглэж мөргөхгүй л байх. Уулаасаа л баян айлын хүү юм чинь өөрөөр сайхан амьдарч болох л байсан биз. Гагцхүү эрдэм номоо сайн сураад,бурханы шашны нэр хүндийг өндөрт авч яваарай л гэж захья даа.

  11. Сая манай гудамжинд 11-р Богд нь тодорлоо. Тэр шарын шашин бол шал худлаа шүү. гэлээ.Хэн ахиу мөнгө өгнө тэр Богд гэнээ

  12. ШАЛБААГ БОЛСОН СӨНЖ БГАА ТӨВДҮҮДИЙГ ДУУРАЙГААД ЯАНДАА ЯАНА МОНГОЛЧУУД МИНЬ, НҮҮР ХАЛУУ ОРГИХ ЮМ, ИЧИЖ ҮХМЭЭР. ХЭДДҮГЭЭР ЗУУНД ХААНА АМЬДАРЧ БНАА БИД

  13. За худлаа шаагаад байгаарай налайх хавийн хужаагийн гар хөл болсон ламанцар санждорж нарын зохиол үлгэр байна даа хятадын гар салтааных нь үзүүрүүдийн бичиж байгаа зүйлээ гэж

  14. ТЭГЖ Л ШҮТЭХ ЗАЛБИРАХ ГД БГАА БОЛ “ТЭНГЭР”-ТЭЭ ӨВӨГ ДЭЭДЭСТЭЭ ЗАЛБИРАХАДЛ БОЛОХООР БАРАХГҮЙ БҮР ШААРДЛАГАТАЙ ЮМ БГМ ДА УГ НЬ

  15. Хээээээ. юу ч уншчихав. Далай ламыг угаасаа хятадаас цалин авдаг энэ тэр гээд байдаг. энэ дээр бичсэн үнэн бол…. Тэгээд яахын Монгол Богд хаант улс сэргэх юм уу. Хуцацгаана биз… тэгсэн дорвол үнэнчээр улс орноо яаж хөгжүүлэх вэ гэдэг дээрээ үр хүүхдээ эртнээс сургаж өөрсдөө үлгэрлэвэл таарна. Ер нь эхнэртэй лам ч гэж юу байсын… шал завхарсан юм

  16. БОГД ХААНТ УЛС СЭРГЭХ БИШЭЭ ЧААВААС ДАА. ДАЛАЙ ЛАМЫГ ҮХЭХЭЭР ХОЙД ДҮРИЙГ НЬ СОНГОХОД Л ХЯТАДЫН ЭСРЭГ АШИГЛАХ ГЭСЭН АМЕРИКИЙН БОДЛОГЫН ГАР ХӨЛ БОЛЖ БН ШҮҮДЭЭ НААД ХУВАЛЗНУУД ЧИНЬ. МӨНГӨНИЙ ТӨЛӨӨ УЛС ТҮМНЭЭ СҮЙРҮҮЛЭХ НЬ ЮУ Ч БИШ БОЛСОН БЭРДҮҮДЭЭР ДҮҮРСЭН БН ШҮДЭЭ ЭНЭ МОНГОЛ ОРОН

  17. арваад жилиин омно 9-р богд гэгч овгон оросын жужигчин хуухниид ирчихсэн,оориигоо монголын хаан гэж донгосч хумуусиин доог болон,бужиглэж байна хэмээн ногоо хуухнээ тэвэрч тавьтаргуйтэж байгаа нь оросын телевизээр гарч дургуй их хургэсэн.Энэтхэгт аялаж явсан оросуудтай танилцаад тэдниидээ айлчилж ирсэн юм билээ

  18. зүгээр л чалчаа нөхдүүдийн сэтгэгдлийг устгаач админ аа.

    ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл

Таны сэтгэгдэл

Back to top button
Close