Өнгөрсөн ням гарагт Тайваны Еиланд хурдны галт тэрэг осолдсон харамсалтай хэрэг гарлаа. Уг ослын улмаас 18 зорчигч газар дээрээ нас барж, 190 зорчигч хүнд гэмтсэн байна. Нас барсан зорчигчдын дунд 9-13 насны хүүхдүүд байжээ. Нийт 8 цувааны 5 нь замаасаа гарч онхолдсон бөгөөд ослын шалтгааныг тодорхойлохоор ажиллаж байна.
Үүрээр орсон борооноос галт тэрэгний зам гулгамтгай болсноос цуваанууд замаасаа гарсан байж болзошгүй гэж таамаглаж буй аж. Тайваны Ерөнхийлөгч Цай Ингвен даваа гарагт хийсэн хэвлэлийн хурлаар ослын шалтгааныг тодруулахаар ажиллаж буйг мэдэгдээд “Ийм аймшигт хэрэг тохиолдсонд харамсан гашуудаж байна. Ослын улмаас амиа алдагсдын ар гэрийнхэнд гүн эмгэнэл илэрхийлж, талийгаачид амгалан нойрсох болтугай хэмээн залбирч” буйгаа илэрхийлжээ. Тус улсын түүхэнд 27 жилийн өмнө галт тэрэгний томоохон осол гарч байсан ч энэ удаагийнх шиг олон хүн амиа алдаж, хүндээр бэртэж байгаагүй гэнэ.
Эх сурвалж: eagle.mn