Автомашиныг угаахдаа анхаарах зүйлс

Машинаа цэвэрлэхдээ юу юуг анхаарч цэвэрлэгээ хийх вэ? Яавал өнгө орох вэ? Урьдчилан сэргийлэхийн тулд яах вэ?

1/Авто машиныг угааж цэвэрлэхдээ хуурай алчуураар хэзээ ч бүү арч: Тоос шорооны жижиг ширхэгүүд нь машины будгийг зурж гэмтээдэг тул заавал алчуураа норгож цэвэрлэх шаардлагатай.

2/Халуун наранд авто машиныг хэзээ ч бүү угаа: хүйтэн ус нь наранд халсан автомашины будгыг агшаадаг ба ингэснээр будаг болон лак цуурж гэмтдэг.

3/Автомашиныг угааж хөөсрүүлэхээс өмнө заавал усаар зайлж тоос шорооноос нь салгаж бай: Ингэхдээ даралттай бус савтай асаар зайлбал автомашины будганд тустай.

4/Хүйтэн юмуу бүлээн усаар угаах хэрэгтэй: Хүйтэн усаар угаавал машины будаг илүү сэргэж өнгө орно.

5/Порлон, алчуур сонгохдоо хамгийн зөөлөн, хөвсгөрийг сонгоорой.

3da30c48865acc479aaab0890f06e84b Автомашиныг угаахдаа анхаарах зүйлс6/Аалзны тор шиг царапан үүсгэхээс сэргийлж, угаахдаа тойрог чиглэлээр бус хөндлөн чиглэлээр угаах.

7/Зөөлөн угаагч сонгох: Монголчууд зарим тохиолдолд машинаа илүү өнгө оруулахын тулд аяга таваг угаагч юмуу зориулалтын бус хүчтэй цэвэрлэгч ашигладаг. Энэ нь автомашины будганд сөрөг нөлөөтэй байдаг.

8/Машинаа үргэлж дээрээс нь доош угаах. Угаахдаа хэсэг хэсгээр угаах: Автомашины тодорхой хэсгийг усаар зайлаад, хөөсрүүлээд, зайлах. Угааж дууссаны дараа бүхэлд усаар зайлах.

33cc0614c210aa9283ac50344da89c3b Автомашиныг угаахдаа анхаарах зүйлс9/Тогтмол хугацаанд өнгөлж байх: Өнгөлөгчинд байх полимер нэгдлүүд нь будагтай маш сайн барьцалддаг тул өнгөлөгч хамгийн сайн хамгаалагч болж чаддаг.

10/Өвлийн нөхцөлд машин угаалгасны дараа шууд хөдөлгөөнд оролцох нь цоож, резинүүдийг хөлдөөдөөг. Тиймээс маш сайн арчуулж, хийн компрессороор үлээлгэж хатааж байгаарай.

Эх сурвалж: Cardoctor

Сэтгэгдэл оруулах

Уншигчдын бичсэн сэтгэгдэлд updown.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.