“Хэрэв та долоо хоногт нэг удаа уйлдаг бол стресст өртөхгүй” хэмээн Японы дунд сургуулийн Ёшида багш онцолжээ. Өдгөө таван жилийн турш уйлах тухай хичээлийг сурагчиддаа зааж хэрхэн сэтгэлийн дарамтаас ангижрахыг бусдад сургасан байна.
Японы зарим компани болон сургуулиудад бухимдлаа тайлахын тулд уйлж сурахыг сурагчид, ажилчдаасаа шаардах нь нэмэгдсэн гэж The Japan Times сонинд бичжээ. Уйлах нь унтах, инээхээс ч чухал сэтгэлзүйн засал гэнэ. Тохиогийн Их сургуулийн мэргэжил нэгтнийхээ хамт тэрбээр улс орноороо явж уйлахын ашиг тусын талаар лекц уншдаг байна. Тэд 2015 онд компаниудын стрессийн түвшинг шалгах хөтөлбөр боловсруулсныг одоо Японд хэрэгжүүлж эхэлжээ.
