Warning: include_once(/home/spotligh/updown.mn/wp-includes/header.php): Failed to open stream: No such file or directory in /home/spotligh/updown.mn/wp-config.php on line 103

Warning: include_once(): Failed opening '/home/spotligh/updown.mn/wp-includes/header.php' for inclusion (include_path='.:/opt/cpanel/ea-php81/root/usr/share/pear') in /home/spotligh/updown.mn/wp-config.php on line 103
НӨАТ: Та нэвтрэх нууц үгээ мартсан бол шинээр авах боломжтой – updown.mn

НӨАТ: Та нэвтрэх нууц үгээ мартсан бол шинээр авах боломжтой

Бид худалдан авалт хийхдээ НӨАТ-ын баримт авч www.ebarimt.mn-д бүртгүүлээд 3 жил болж байна. Иргэд нэг үеэ бодвол баримтаа авч, бүртгүүлээд сурчихсан. Гэхдээ www.ebarimt.mn сайт болон апп-д нэвтрэх код, нууц үгээ мартсан бол бүртгэлтэй гар утасны дугаараасаа 131313 дугаарт “?” мессежээр илгээж, шинээр авах боломжтойг Нийслэлийн татварын газраас зөвлөлөө.

Хэрэв бүртгэлтэй гар утасны дугаараа сольсон бол бүртгэлтэй и-мэйл хаягаараа сэргээж авах хэрэгтэй. Гар утас, и-мэйл хаягаар авах боломжгүй бол Улаанбаатар хотод Драгон, Мишээл, Дүнжингарав үйлчилгээний нэгдсэн төвд Татварын нэгжид, хөдөө орон нутагт бол харьяа Татварын албандаа бичиг баримттайгаа очиж нууц үг, нэвтрэх кодоо авах аж.

Татвар төлөгч иргэд Татварын албаны 1800-1288 дугаарт залгах, www.ebarimt.mn цахим сайтад хандаж сонирхсон мэдээллээ авах, мөн Татварын албаны www.mta.mn цахим сайтын “Татварын боловсрол” цэсний “Асуулт хариултын сан”-гаас татварын хууль тогтоомж болон е-баримттай холбоотой мэдээллийг авч болно.

Баримтаа бүртгүүлснээр иргэд НӨАТ-ын хоёр хувийн буцаан олголтыг авдаг билээ. 2017 онд 654,000 иргэнд 78.1 тэрбум төгрөг, 2016 онд 497,000 иргэнд 35.1 тэрбум төгрөгийн буцаан олголт өгчээ.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн