НийгэмОнцлох мэдээ

Шөнө үйлчилдэггүй, өдөрт үйлчилдэг шүлхийний эсрэг “Бизнес”

Сүүлийн жилүүдэд манай улсад  мал, амьтны гоц халдварт шүлхий өвчин газар авч, гамшгийн хэмжээнд хүрсэн.  Өнгөрсөн хавраас эхэлж малын гаралтай шүлхий өвчинтэй тууштай тэмцэж  байгаа ч  үр дүнг нь үзэгдэхгүй өдийг хүрсэн. Тэмцэж байгаа  арга нь иргэдийн халаас руу орохгүй байж чадсангүй. Нийслэл рүү орж ирж байгаа автомашины дугуй руу шүлхийний эсрэг хор цацаж иргэдээс 1000 төгрөг хурааж авах бизнесийг МХЕГ-аас эхлүүлсэн.

Гарсан, орсон болгоноос 1000 төгрөг нэхэж авна. Цацаж байгаа хор бодис нь үр дүнтэй эсэхийг хэн ч мэдэхгүй. Тэгсэн хэрнээ шөнө болохоор цацдаггүй, өчнөөн машин орж гарч явж байна. Бодвол шөнийн цагаар тархдаггүй гоц халдварт өвчин юм байлгүй дээ. Өдөр л шүлхийтэй тэмцэж байгаа нэртэй. Тэгвэл энэ асуудлыг өчигдөр АН-ын бүлгийн дарга Д.Эрдэнэбат шүүмжилжээ.

Тэрбээр “Улаанбаатар руу ордог, гардаг товчоон дээр иргэдийн машин руу бодис шүршиж, 1000 төгрөг хураадаг жижиг халтуураа болих хэрэгтэй. Дөрвөн сар иргэдээс 1000 төгрөг хурааж авлаа. Шөнө болохоор цацдаггүй. Машинууд зүгээр давхиад ордог. Өглөө болохоор шар хувцастай хүмүүс гарч ирээд тасалбар өгч 1000 төгрөг хураадаг халтуураа болиоч. Үүнийгээ өөрчил. Хор цацаж байгаа нөхөр шүршиж байгаа нэрээр дугуйны гадна талыг хальт шүршинэ, дугуйны дотор талд шүлхий явдаггүй юм уу. Миний сонссоноор хувийн компаниуд хийгээд байгаа юм билээ. Тиймээс МХЕГ-ын дарга үүн дээрээ хяналт тавих хэрэгтэй. Хоёрын хооронд юм хиймээргүй байна. Анхааралдаа аваарай” гэжээ.

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close