М.Энхболд бууж өгөх болоогүй

УИХ-ын гишүүн Л.Оюун-Эрдэнийн өнгөрсөн зунаас эхлэн тавьж эхэлсэн “60 тэрбум”-ын хэргийн талаар нээлттэй сонсгол хийх шаардлага, УИХ-ын ээлжит бус чуулганыг зарлан хуралдуулах шаардлага зэргийн ард АТГ-ын дарга Х.Энхжаргалыг огцруулах улс төр байсан нь одоо нэгэнт ил болсон зүйл. Улсын баяр наадмын дараахан Ерөнхий Сайд, МАН-ын дарга У.Хүрэлсүх, УИХ-ын дарга М.Энхболд нар албан бус уулзалт хийж, тохиролцсон.

Өөрөөр хэлбэл АТГ-ын дарга Х.Энхжаргалыг чөлөөлөхөөр санал нэгдсэн гэсэн яриа улс төрийн хүрээнд хүчтэй дэгдсэн юм. Гэсэн ч энэ ташаа болохыг УИХ-ын дарга М.Энхболд УИХ-ын 2018 оны намрын чуулганы нээлтэн дээр хэлсэн үгэндээ нотлов. Тодруулбал тэрээр: ” УИХ-ын чуулганы завсарлагааны хугацаанд нэр бүхий гишүүдээс ээлжит бус чуулган зарлан хуралдуулах шаардлага, Монгол Улсын Ерөнхийлөгчөөс гишүүдийн шаардлагыг дэмжсэн санал ирүүлсэн. Товчхондоо ээлжит бус чуулганаар Авлигатай тэмцэх газрын даргыг томилсон УИХ-ын тогтоолыг хүчингүй болгох санал тавьсан.

Авлигын эсрэг хуулиар Авлигатай тэмцэх газрын дарга, дэд даргыг чөлөөлөх, огцруулах тодорхой үндэслэлүүдийг хуульчлан заагаад, хуульд зааснаас бусад үндэслэлээр чөлөөлөх, огцруулахыг хориглосон байдаг. Зөвхөн Авлигатай тэмцэх газрын даргыг ч биш, төрийн аль ч шатны, ямар ч албан тушаалтныг зөвхөн хуульд заасан үндэслэлээр л албан тушаалаас нь чөлөөлж, огцруулдаг эрх зүйн орчинд бид ажиллаж, амьдарч байгаа.

Ийм байхад хууль тогтоох, төрийн эрх барих дээд байгууллага баталсан хуулиа өөрөө зөрчдөг байж болохгүй. Өнгөрсөн хугацаанд уг саналыг УИХ-ын даргын дэргэдэх зөвлөлөөр хоёр удаа хэлэлцүүлсэн. Зөвлөлөөс хуулийн үндэслэлийг нь Хууль зүйн байнгын хороогоор хэлэлцсэний дараа ээлжит бус чуулганы товыг тогтоох нь зүйтэй гэж шийдвэрлэснийг хэлье.” хэмээсэн юм. Өөрөөр хэлбэл УИХ-ын ээлжит бус чуулганг зарлах УИХ-ын гишүүн Л.Оюун-Эрдэнэ, Н.Цэрэнбат нарын шаардлагыг хүлээж аваагүйгээр үл барам ээлжит чуулганаар ч Х.Энхжаргалыг АТГ-ын даргаас хуульд заагаагүй үндэслэлээр огцруулах асуудлыг хэлэлцэхийг дэмжихгүй гэдгээ нэн тодорхой илэрхийлсэн гэж дүгнэж болохоор байна.

УИХ-ын 2016 оны сонгуульд МАН-ыг удирдаж оролцон ялалт байгуулж, парламентад 65 суудалтай болгосон М.Энхболд Монгол Улсын Ерөнхийлөгчийн 2017 оны сонгуульд нэр дэвшин өрсөлдсөн ч ялагдсан. Улмаар МАН-ын даргын суудлаа ч өгсөн билээ. Үүнээс хойш түүний улс төрийн байр суурь уруудаж байна гэж дүгнэх, тэр бүү хэл түүнд шахалт үзүүлэх улс төрчдийн үйлдэл ч илт ажиглагдах болсон нь нууц биш. Гэхдээ М.Энхболд бууж өгөх болоогүй гэдгийг сүүлийн үед Монголын улс төрд өрнөж буй үйл явдлууд харуулж байна.

П.Энхмандах

4 thoughts on “М.Энхболд бууж өгөх болоогүй

  1. Зөв хө 2018-10-03 10:30 at 10:30

    Сэтгүүлчдийн захиалгаар хийж байгаа хийрхэлээр,хар пиараар улс орныг удирдана гэж байж болохгүй ээ. Мөн гудамжны жагсаалыг араас нь турхирч,санхүүлэгч нэгний хувийн атгаг бодлоор нийгмийг ТЭР ДУНДАА УЛСЫГ УДИРДАНА ГЭЖ БАЙХГҮЙ!!! Үүнийг нийгмийн хөвөгч масс, нэн гялангуяа үзэл бодол нь төлөвшөөгүй залуу ойлго! сошел мэдээнд бүү хууртаа. Ихэнх нь худал хуурмаг хог мэдээ шүү.Сошелоор нийгмийн хөвөгч массыг байлдан дагуулж сонгуульд ялалт байгуулах, өндөр алванд хүрч болдогч боловсролгүй,туршлагагүй нэгэн хол явдаггүй гэдгийг харцгаалаа. Ойлго. Хууль бус хар мөрөө баллахын тулд М.Энхболдыг шороонд булж зайлуулахыг санаархагчид зүсэн зүйлээр оролдовч” шишир алт шороон дундаас гялтайж харагдаг адил” даваад гар!!!Хүчээ нэм Худал хуурмагийг үнэн хэзээд ялдаг юм.

    Хариулах
  2. Хар птарчидыг бяц дарах цаг болсон 2018-10-03 10:32 at 10:32

    Одоогийн бусармаг үйл хийгчдийн дунд хамгийн гайгүй ханатай нь М.Энхболд юм. Иймдээ л увайгүүчүүдийн хар ажилд нь саад тээг хийснийхээ төлөө “тэдний хар пиар гүтгэлэгийн бай болсон” нь хатуу үнэн.

    Хариулах
    1. zochin 2018-10-05 09:54 at 09:54

      ymar pyaldaga ym be nerteigeer ni ta 2 ardiin baatar gecheech

      Хариулах
  3. 60terbym 2018-10-05 22:47 at 22:47

    yanaa agagui l tom xy yumdaa

    Хариулах

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн