Америкийн ерөнхийлөгч Трамп өчигдөр буюу 25-нд НҮБ-ын Ерөнхий ассамблейн 73 дугаар чуулганы ерөнхий шүүмжлэлд, өөрийнхөө хэрэгжүүлж байгаа АНУ-г тэргүүн байранд тавих бодлогоо өмгөөлж, даяаршлыг эсэргүүцэж байгаагаа илэрхийллээ.
Тэрбээр дайсагнасан харилцаатай байгаа Ираны талаар өөрийн байр сууриа хүргэжээ. Трамп “Ираны эрх баригчид Ойрхи Дорнодод эмх замбараагүй байдал, зөрчил мөргөлдөөн үүсгэсэн” гэж мэдэгдлээ. Цагаан ордны тэргүүн ийнхүү хэлснийхээ дараа “Миний тэргүүлдэг Засаг захиргаа сүүлийн хоёр жилийн хугацаанд манай өмнөх аль ч Засгийн газрын хийж, бүтээснээс илүү ихийг хийсэн” хэмээн өөрийгөө магтжээ.
Түүнийг ийнхүү хэлэхэд танхимд зочид, төлөөлөгчид инээлдэхэд “Ингэж хүлээж авна гэж төсөөлсөнгүй” гэв. Трамп “Хойд Солонгостой харилцах харилцаагаа бэхжүүлж, БНХАУ-тай худалдаа хийхдээ илүү болгоомжтой, хяналттай ажилласан” гэж мэдэгдлээ.
