Нийслэл хотод өчигдөр өдрийн турш үргэлжлэн орсон усархаг борооны улмаас зарим зам, гудамж, талбай усанд автсан. Үүнтэй холбогдуулан Нийслэлийн Авто замын хөгжлийн газар, Геодези, усны барилга байгууламжийн газраас шуурхай таван бригад гарган борооны тогтоол усыг соруулах ажил хийж байгаа юм байна.
Цаг агаарын урьдчилсан мэдээгээр бороо цаашид ч үргэлжлэн орох төлөвтэй байгаа тул борооны тогтоол ус соруулах ажлыг тасралтгүй үргэлжлүүлнэ хэмээн мэдээлжээ.
