Зургаан сар цалингүй ажилласны улмаас амиа хорлохыг завдсан 31-35 насны хоёр эмэгтэйн үйлдлийг цагдаагийн алба хаагч нар таслан зогсоожээ. Өнгөрсөн баасан гаригийн орой 21.00 цагийн орчимд Буянт-Ухаа цогцолборын хажууд баригдаж буй 16 давхар барилга дээр энэ хэрэг болжээ. Эмэгтэйчүүд цагдаагийн байгууллагад өгсөн мэдүүлэгтээ ““Буман залуус” хорооллын барилга дээр гуравдугаар сараас хойш ажилласан бөгөөд өнөөдрийг хүртэл цалин хөлс аваагүй тул амиа хорлохоор шийдсэн” гэсэн тайлбар өгчээ. Энэ хэргийг дүүргийн цагдаагийн хоёрдугаар хэлтэст үргэлжлүүлэн шалгаж байгаа юм байна.
