Монголын шигшээ багийн тамирчин Э.Цэндбаатар Азийн наадмын эрэгтэйчүүдийн боксын 60 кг-ийн жингийн шигшээ тулаанд ялж алтан медаль хүртлээ. Тэрбээр Жакарта хотын Кемаеоран дүүргийн “Жакарта Интернациональ Экспо”-гийн С танхимд /Hall C/ болж буй боксын тэмцээний аваргын алтан медалийн төлөөх шигшээ тулаанд Узбекстаны тамирчин, 2016 оны дэлхийн залуучуудын АШТ-ий хүрэл медальт Абдурасулов Шункор-той тоглож 3:2-оор яллаа.
