Шар мэдээ

Дуучин Т.Миног хэн заналхийлэв?

Охидын “Sound Of Kiss” хамтлагт дуулж олонд танигдахаас гадна чамгүй хэдэн клип, реклам, кинонд тоглож тал бүрээр өөрийгөө сорьж яваа нэгэн бол дуучин Т.Номин буюу Мино. Дамбын Хишгээ гэх дуулиант эрхмийн хүү Энхжинтэй сүр дуулиантай хурим хийсэн ч харамсалтайгаар хоёр тийш болсон тэд өдгөө тус тусын амьдралаар амьдарч буй. Тус гэрлэлтээс нэг хүүтэй болсон Минод сүүлийн үед хэсэг бүлэг хүмүүсийн зүгээс багагүй дайралт, заналхийлэл ирэх болсон гэнэ.

Учир нь түүний тухай “АРЧААГҮЙ МОНГОЛ ЭРЧҮҮДТЭЙ СУУХГҮЙ ЗӨВХӨН ГАДААД ХҮНТЭЙ СУУНА” хэмээх худал мэдээлэл олон нийтийн хэрэгслээр цацагдах болсонд хамаг хэргийн учир байгаа аж. Тус мэдээллийг сонссон эрчүүд түүний цахим хуудас болон гар утсанд заналхийлсэн утга бүхий мессежийг ирүүлэх болсон бөгөөд тэрээр энэ тухай залруулга хийсэн байна. Мөн тус мэдээллийг олон нийтэд тарааж буй этгээдүүдэд хуулийн хариуцлага тооцуулахаа мэдэгдсэн бөгөөд тэрээр хэзээ ч ийм зүйл хэлээгүй гэдгээ ийн тайлбарласан байна.

 

ХОЛБООТОЙ МЭДЭЭ

Back to top button
Close