Машиндаа засвар хийж байгаад дарагдаж амиа алдсан харамсалтай хэрэг онцгой байдлын албанд бүртгэгджээ. Тодруулбал, Чингэлтэй дүүргийн 15 дугаар хороонд 41 настай иргэн М нь машиндаа засвар хийж байгаад дарагдсан тухай дуудлага өчигдөр Нийслэлийн Онцгой байдлын газарт иржээ.
Дуудлагын дагуу Аврах ангийн 7 алба хаагч очиж, иргэн М ”Соната-2″ загварын автомашинд засвар хийж байгаад дарагдаж нас барсан байсныг гаргаж цагдаагийн байгууллагад хүлээлгэн өгчээ.
