Дэлхийд

Ор сураггүй болсон уулчдыг хайх ажиллагаа үр дүнд хүрсэнгүй

Энэ сарын эхээр Францын Монблан ууланд авирч явсан Италийн гурван уулчин сураггүй алга болсон тухай France 3 радиостанц мэдээлсэн байна. Аврагчдын өгсөн мэдээллээр, хоёр эрэгтэй, нэг эмэгтэй уулчин мягмар гарагийн өглөө авирч эхэлснээсээ хойш холбоо бариагүй ажээ.

Монблан уул нь Альпын нурууны баруун хэсэгт, Франц ба Италийн хил дээр оршдог, тус нурууны хамгийн өндөр уул бөгөөд түүний өндөр нь 4808 метр юм. Монблан нь уулын спортын төв бөгөөд уулчдын анхны авиралт 1786 онд бүртгэгдсэн байдаг аж.

Италийн аврагчид Францын Дээд Савойя мужийн нутагт Монблан уулын хормойд оршдог Шамони хотын уулын цагдаагийн газрын ажилтнуудаас тусламж хүссэн байна. Лхагва гарагт явуулсан эрэн хайх ажиллагаа үр дүнд хүрээгүй аж. Наймдугаар сарын эхээр Монблан ууланд гурван уулчин амиа алдсан тухай мэдээлж байсан билээ.

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close