Сурагчдын дүрэмт хувцасны мөнгөнөөс завшсан боловсролын газрын дарга нарыг торголоо

Сурагчдын дүрэмт хувцас зарж борлуулсан мөнгөнөөс хувьдаа завшсан этгээдүүдэд холбогдох хэргийг гурван шатны шүүхээр хэлэлцэж шийдвэрлэжээ.

Тодруулбал П гэх багш мэргэжилтэй эмэгтэй Говьсүмбэр аймгийн Боловсролын газрын даргаар ажиллаж байхдаа “БҮ” ХК-ийн захирал Э-тэй ажил гүйцэтгэх гурван талт гэрээ байгуулжээ. Улмаар Говьсүмбэр аймгийн Сүмбэр сумын нутагт 2014 оны наймдугаар сарын 21-ний өдрөөс 2014 оны аравдугаар сарын 21-ний өдрүүдэд тус компани үйлдвэрлэн нийлүүлсэн 180.933.740 төгрөгийн үнэ бүхий сурагчийн дүрэмт хувцсыг итгэмжлэгдэн хариуцаж байхдаа иргэн Б-гийн зарж борлуулсан орлогоос 40.533.049 төгрөгийг хувьдаа завшиж, онц их хэмжээний хохирол учруулсан хэрэгт холбогджээ.

Мөн иргэн Б нь Говьсүмбэр аймгийн Сүмбэр сумын нутагт 2014 оны 08 дугаар сарын 21-ний өдрөөс 2017 оны 10 дугаар сарын 21-ний өдрүүдэд “БҮ” ХК-аас үйлдвэрлэн нийлүүлсэн 180.933.740 төгрөгийн үнэ бүхий сурагчийн дүрэмт хувцсыг итгэмжлэгдэн хариуцаж байхдаа сурагчийн дүрэмт хувцас борлуулсан орлогоосоо 14.131.666 төгрөгийг завшиж, үлэмж хэмжээний хохирол учруулсан болох нь нотлох баримтуудаар нотлогджээ.

Тиймээс шүүхээс шүүгдэгч П-г өөрийн нөхөр Э-тэй бүлэглэж, бусдын эд хөрөнгийг завшиж онц их хэмжээний хохирол учруулсан хэргийг үйлдсэн гэж дүгнэн, тэдний үйлдлийг 2002 оны Эрүүгийн хуулийн тусгай ангийн 150 дугаар зүйлийн 150.3 дахь хэсэгт зааснаар зүйлчилж, шүүгдэгч тус бүрт 200.000 төгрөгийн эд хөрөнгө хурааж, 5 жил 1 сар хорих ялыг нээлттэй хорих байгууллагад тус тус эдлүүлэхээр шийтгэжээ. Улмаар Өршөөл үзүүлэх тухай хуулийн 4 дүгээр зүйлийн 4.1 дэх хэсэгт зааснаар шүүгдэгч нарт оногдуулсан хорих ялыг өршөөн хэлтрүүлсэн байна.

Харин иргэн  Б-г 180.933.740 төгрөгийн үнэ бүхий сурагчийн дүрэмт хувцсыг итгэмжлэгдэн хариуцаж байхдаа сурагчийн дүрэмт хувцас борлуулсан орлогоос 14.131.666 төгрөгийг хувьдаа завшиж үлэмж хэмжээний хохирол учруулсан хэргийг Эрүүгийн хуулийн тусгай ангийн 150 дугаар зүйлийн 150.2 дахь хэсэгт зааснаар зүйлчилж ирүүлснийг Өршөөл үзүүлэх тухай дээрх хуулийн 7 дугаар зүйлийн 7.1 дэх хэсэгт зааснаар хэргийг хэрэгсэхгүй болгож шийдвэрлэжээ.

Улмаар Иргэний хуулийн 497 дугаар зүйлийн 497.1, 510 дугаар зүйлийн 510.1 дэх хэсэгт зааснаар шүүгдэгч П-ээс 15.716.524 төгрөгийг, шүүгдэгч Э-ээс 15.716.524 төгрөг, шүүгдэгч Б-гээс 10.839.396 төгрөг тус тус гаргуулж, “БҮ” ХК-д олгохоор шийдвэрлэсэн байна.

Эх сурвалж: Medee.mn

2 thoughts on “Сурагчдын дүрэмт хувцасны мөнгөнөөс завшсан боловсролын газрын дарга нарыг торголоо

  1. zochin 2018-07-20 10:42 at 10:42

    huuee yu ve 40say tugrug zavshaad 30say 14say-g zavshaad 10say-g tuluul bolo yu tegvel zashjil baival boloh yum bnadoo

    Хариулах
  2. zochin 2018-07-20 11:10 at 11:10

    yun torgoh ve, zavshsan mungiig buren tuluulj alban tuhsaalaas ni halaachee, iim busarmag yavdliig ebiileed baihaar yah yum bolj bna, ajillah bish avilgadah ; alban tushaaliig urbuulan ashiglah jurmaar l ajil hereg urnuj baih shig…

    Хариулах

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн