Шөнийн цэнгээний газар “сэлэм” барин зодоон цохион хийснээрээ “сэлэм” хэмээх хочтой болж, нийтэд танигдсан С.Бямбацогт өнгөрсөн дөрөвдүгээр сард хар тамхины хэрэгт холбогдон саатуулагдсан. Тэрбээр дөрвөн хүнтэй хамтран хар тамхийг хууль бусаар дамжуулан хилээр оруулж ирэн, зарж борлуулж байхад нь баривчилсан юм.
Тус хэрэгт Хар тамхитай тэмцэх газраас эрүүгийн хэрэг үүсгэж, зарим хүнийг цагдан хорьж байгаа. Харин энэ сарын 15-нд шүүхээс С.Бямбацогтыг дахин нэг сараар хорих хугацааг нь сунгажээ.