Ус цаг уур, орчны судалгаа мэдээллийн хүрээлэнгээс өнөөдөр ихэнх нутгаар хүйтэрч, хур тунадас орно гэж мэдээлэв. Цасан болон шороон шуурга шуурах төдийгүй тариалангийн бүс нутгаар цочир хүйтрэхийг анхаарууллаа.
Баруун аймгуудын нутгийн зарим газар, төв болон зүүн аймгуудын нутгийн хойд хэсгээр бороо, уулаархаг нутгаараа хур тунадас, нойтон цас орох бол Дархадын хотгор, Алтай, Хангай, Хөвсгөл, Хэнтийн уулархаг нутаг, Тэс голын хөндийгөөр 2-7 градус, Орхон-Сэлэнгийн сав газраар 15-20 градус, говийн бүс нутаг болон Дорнод, Дарьгангын тал нутгаар 27-32 градус, бусад нутгаар 23-28 градус дулаан байна.