АНЭУ-ын Абу Даби хотод жюү жицү бөхийн ДАШТ болж, Монголын бөхчүүд бахдам амжилт үзүүлж байна. Тэдний дундаас Ц.Батцэцэг гэх бүсгүй алтан медаль хүртсэн нь содон байлаа.
Учир нь Ц.Батцэцэг тус тэмцээнээс дөрөв дэх алтан медалиа хүртэж байгаа нь энэ. Мөн энэ онд гэхэд л самбо, жүдо, кураш, жюү жицү гэсэн бөхийн дөрвөн төрлийн УАШТ-д босоо байж, дөрвөн алтан медаль хүртсэн нь тэмдэглүүштэй зүйл. Үнэхээр л бөхийн төлөө төрсөн бүсгүй юм даа. 2018 он гарсаар тэр хэнд ч ялагдаагүй босоо яваа. Түүнчлэн энэ жил ОХУ-ын Москва хотод болсон самбо бөхийн Дэлхийн цомд түрүүлсэн билээ.