Өвдөлт мэдрэхгүйгээр үхэх шинэ төхөөрөмжийг танилцууллаа
Нидерланд улсын нийслэл Амстердам хотод болсон оршуулгын үзэсгэлэнд амиа хорлоход зориулагдсан анхны төхөөрөмжийг танилцуулжээ.
“Sarco” гэх энэ төхөөрмж нь ямар ч өвдөлт мэдрэхгүйгээр амиа хорлох боломжтой тухай “South China Morning Post” цахим хуудас мэдээлэв. Нидерланд улсад зохион бүтээсэн “Sarco” хэмээх нэртэй уг төхөөрөмж нь сансрын нислэгийг санагдуулам загвартай бөгөөд төхөөрөмжийг Нидерландын загвар зохион бүтээгч Александр Баннинк болон Австралийн иргэн Филип Ничке нар хамтран зохион бүтээжээ.
“Энэхүү төхөөрөмж нь өвдөлт мэдрэхгүйгээр амьдралаас хагацахыг хүссэн хүнд зориулагдсан. Төхөөрөмжинд орсон хүнд эхлээд хөнгөн хэлбэрийн толгой эргэлт мэдрэгдэх бөгөөд улмаар ухаан алдаж, нас барах болно” хэмээн Ф.Ничке ярьсан байна.
Үзэсгэлэн дээр тус төхөөрөмжний зөвхөн загварыг үзүүлсэн бөгөөд VR нүдний шилний тусламжтайгаар хүмүүст төхөөрөмжийг дотроос нь харах боломжийг олгожээ. Харин бодит хувилбарыг зохион бүтээгчид энэ оны сүүлчээр бүтээнэ гэж найдаж байгаа аж.
4 сэтгэгдэлтэй
Зочин
2018-04-18 20:05 at 20:05
saihan ed baina
Zochin
2018-04-18 21:15 at 21:15
Hun turulhtun gej aashildaggui aashgui bolj ee
;)
2018-04-19 07:38 at 07:38
Zugeerl yum zagvarn taalagdlaa
Зочин
2018-04-19 09:51 at 09:51
76д хэрэгтэй эд байна