YouTube компанийн Сан Бруно хот дахь төв оффист зэвсэгт этгээд халджээ. Тэрбээр буутай этгээд төв байранд нэвтэрч, гурван ажилтныг шархдуулсныхаа дараа өөрийн амийг хороосон байна. Хэдхэн цагийн өмнө болсон энэхүү хэргийн талаар гэрчүүдийн мэдээлснээр хохирогсдыг ойролцоох эмнэлэгт хүргээд байна. Хохирогчдын хоёр нь хүнд шархджээ. Халдлага үйлдсэн этгээд нь 30 гаруй насны эмэгтэй байсан гэхээс өөр дэлгэрэнгүй мэдээлэл гараагүй байгаа юм.
Зарим нэг эх сурвалжийн мэдээлж буйгаар бас нэг буутай эрэгтэйг харсан гэнэ. Цагдаа нар YouTube компанийн төв байрыг үргэлжлүүлэн шалгаж байна. YouTube-ийг эзэмшдэг Google компани мэдэгдэл гаргаж, хэргийн учир шалтгааныг олохоор эрх баригчидтай хамтран ажиллаж байгаагаа мэдээлжээ.
