Энэ сарын 19-ны өдрийн 17.00 цагийн үед Булган аймгийн Халиун сумын нутаг дэвсгэрт гурван иргэн шар усны үерт өртөж, Орхон аймгийн харьяат 38 настай иргэн амиа алдсан харамсалтай хэрэг гарчээ.
Орхон аймгийн Онцгой байдлын газраас шуурхай баг гурван цаг хайсны эцэст цогцсыг гаргасан байна. Осол болсон ууланд явсан гурван иргэн, уулын уруу хайлж урссан усыг нэвт гатлах гэж байгаад гурвуулаа осолдсоноос нэг нь харамсалтайгаар амиа алджээ. Шар усны үерээс урьдчилан сэргийлж анхаарал болгоомжтой зорчихыг ус цаг уур орчны хүрээлэнгийн газраас сэрэмжлүүлж байна.
