Гадаад үг цээжлэх амархан аргыг санал болгов

Монголын оюун ухааны академийн захирал Х.Хатанбаатар “Ой тогтоолтын аргаар гадаад үг цээжлэх нь” номын нээлтээ хийлээ. Монгол хүний онцлогт тулгуурлан гадаад хэл сурахыг эрмэлзсэн хүн бүрийн хэрэгцээг хангах зорилготой хэмээн зохиогч онцоллоо. Тэрбээр интер ном, аз хур зэрэг номын худалдаанд гарснаас хойш дөрөв хоногт гэхэд 3000 ширхэг ном борлуулагджээ.

Шинжлэх ухааны ойлгомжгүй хүнд хэцүү үг хэллэгээс зайлсхийж, энгийн хэллэгээр бичсэнээрээ түүний шинэ номны онцлог гэнэ. Мөн гадаад хэл сонирхон судлагч хүн бүрт, шинэ үг цээжлэх илүү ул суурьтай, ухамсартайгаар хандах хандлагад чиглүүлэхийг зорьжээ.