Канадад 20 мянга гаруй иргэн тог цахилгаангүй болжээ
Канадын төв хэсэгт цаг агаар таагүй байгаагийн улаас Манитоба мужийн 20 мянга гаруй иргэн тог цахилгаангүй болжээ. Гуравдугаар сарын 5-ны даваа гарагийн байдлаар тус бүсэд 20 см зузаан цас унасан нь нэг сарын хур тунадасны хэмжээнээс даруй хоёр дахин их хэмжээ юм.
Цаг уурчдын анхааруулж байгаагаар дахиад таван см зузаан цас нэмж орох төлөв ажиглагдаж байгаа гэнэ. Зарим суурин, хөдөө тосгодод хичээл, сургуулийг түр хаасан байна.