Энэ сарын 1-7-н хүртэл иргэд бүх музейг үнэгүй үзэх боломжтой юм. Нийслэл болон хөдөө орон нутагт үйл ажиллагаа явуулдаг ихэнх музей цагийн хуваарийн дагуу ажиллаж байна. Гэхдээ сүүлийн үзэгчийг 16:30 цаг хүртэл хүлээн авч үйлчилж байгаа аж. Учир нь музей хаах цагтаа үзэгчидээ гаргаж хаалгаа барихгүй бол дохиолол дуугарч эхэлдэг байна.
Нийслэл дэх 10 музейн хаяг, цагийн хуваарь:
| Д/д | Музейн нэр | Хаяг, Утас | Цагийн хуваарь |
|---|---|---|---|
| 1 | Төрийн түүхийн музей | Улаанбаатар хот, Сүхбаатар дүүрэг, Төрийн ордон, Их эзэн Чингис хааны нэрэмжит талбай-1 Утас: 51-266435 | 10:00-17:30 (Даваа-Баасан) |
| 2 | Богд хааны ордон музей | Хан-Уул дүүрэг, Зайсан явах замын баруун талд Утас: 342195, 343071 | Мягмар, Лхагва гарагт амарна. Бусад өдөр 10.00-18.00 |
| 3 | Үлэг гүрвэлийн төв музей | Чингэлтэй дүүрэг 5-р хороо, Тусгаар тогтнолын талбайн чанх ард буюу хуучнаар Лениний музей Үлэг гүрвэлийн төв музей Утас: 7000-0171, 9913-8464 | Өдөр бүр 09:00 – 18:00 |
| 4 | Г.Занабазарын нэрэмжит дүрслэх урлагийн музей | Чингэлтэй дүүрэг. Худалдаа хөгжлийн банкны төв байрны баруун талд, Барилгачдын талбай. Утас: 11326061 , 11323986 | Даваа-Баасан 10.00-17.00 |
| 5 | Монгол цэргийн музей | Хил хамгаалах ерөнхий газрын зүүн талд, ИЗИС-н чанх урд Утас: 261782, 263843 | Мягмарт амарна. Бусад өдөр 10.00-17.00 |
| 6 | Монголын үндэсний музей | Сүхбаатар дүүрэг, Засгийн газрын ордны баруун талд. Утас. 70110911 | Ням, Даваад амарна. Бусад өдөр 09.00-16.30 |
| 7 | Театрын музей | Сүхбаатар дүүрэг, Соёлын төв өргөөний арын 2 аркны дунд. Утас: 311320 | Даваа-Баасан 10.00-18.00 |
| 8 | Чойжин ламын сүм музей | Сүхбаатар дүүрэг, UB Mart худалдааны төвийн баруун талд. Утас: 328547, 324788 | Даваа, Мягмарт амарна. Бусад өдөр 10.00-16.00 |
| 9 | Улаанбаатар хотын түүхийн музей | Баянзүрх дүүрэг, Бөхийн өргөөний зүүн талд. Утас:456799 | Даваа-Баасан 09.00-17.00 |
| 10 | Монголын Уран зургийн галерей | Сүхбаатар дүүрэг, Соёлын төв өргөөний зүүн талд Утас: 11-327177, 11-33168 | 2018.04.31 хүртэл Өдөр бүр 10:00-17:00 |
“Музейн нээлттэй өдрүүд” нь соёлын биет өвд тулгуурлан хүүхэд, залууст монгол ахуй, өв соёлыг өвлүүлэх, эх оронч үзэл төлөвшүүлэх, нийгмийн хөгжилд музейн оруулах хувь нэмрийг нэмэгдүүлэх зорилготой ажээ.
