Дэлхийд

Хойд Солонгосын төлөөлөгчид АНУ-тай харилцаагаа хөгжүүлэхээ зөвшөөрлөө

БНАСАУ-ын төлөөлөгчид Өмнөд Солонгосоос гадна АНУ-тай харилцаагаа хөгжүүлэхээ зөвшөөрчээ. Энэ талаар БНСУ-ын Ерөнхийлөгчийн засаг захиргаанаас Хойд Солонгосын төлөөлөгчидтэй уулзалт хийсний дараа мэдэгдсэн байна.

“Хойд Солонгосын төлөөлөгчид хоёр Солонгосын харилцааг хөгжүүлэхээс гадна Хойд Солонгос, АНУ-ын харилцааг давхар хөгжүүлэх ёстой гэдгийг зөвшөөрсөн” хэмээн YTN суваг мэдээлсэн байна.

БНАСАУ-ын өндөр албан тушаалын төлөөлөгчид өчигдөр Пёнчаны Олимпийн хаалтын ёслолын ажиллагаанд оролцохоор Өмнөд Солонгост хүрэлцэн ирсэн юм. Энэ үеэр төлөөлөгчид БНСУ-ын Ерөнхийлөгч Мүн Чэ Интэй нэг цагийн турш уулзсан байна.

Энэ оны нэгдүгээр сарын Пхеньяны санаачилгаар Солонгосын хоорондын хэлэлцээр эхэлж, үүний үр дүнд БНАСАУ-ын тамирчин, жүжигчин, албан тушаалтнууд нийлсэн 500 гаруй төлөөлөгчийг Олимпод оролцуулахаар болсон билээ. АНУ-ын байнгын төлөөлөгч Никки Хейлигийн үзэж буйгаар Пхеньян хориг арга хэмжээнээс болж асуудал хүндэрсэн болохоор л Сөүлтэй яриа хэлэлцээ хийхээр шийдвэрлэсэн гэнэ.

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close