Эмэгтэй хүн бүрт өөр өөрийн гэсэн таалагддаг эрчүүд бий. Хүн бүрийн сонголт харилцан адилгүй гэсэн үг.
Харин шар нохой жил гарах гэж байгаатай холбогдуулан эдгээр нохдоос аль нэгийг нь сонгоод, өөртөө ямар эрчүүд таалагддаг болохыг мэдэж аваарай. Хамгийн гол нь зөвхөн нэг нохой сонгоно шүү. Аль ч нохойг сонгож чадаагүй бол сэтгэлээр бүү уна. Сонжооны төгсгөлд танд тохирох хариулт байгаа.
1.Язгууртан ретривер
Хэрвээ та энэ нохойг сонгосон бол танд тохирох эрчүүд нь ухаалаг, тайван байх ёстой. Таны хувьд гадаад төрх, өөртөө хэр арчаатай, нямбай вэ гэдэг нь хамаагүй. Таны хувьд хоорондын ойлголцол, итгэлцэл л чухал.
Тан шиг эмэгтэйчүүд эрчүүдийг бээлий шигээ сольдоггүй, бүхий л амьдралынхаа турш нэгийг л хайрладаг. Хайртай залуу тань ямар нэгэн таагүй зүйл хийхгүй л бол та хайрандаа үнэнч хэвээрээ л байдаг.
Халуун дулаан, эерэг зөөлөн зантай, амжилт дагуулдаг таны итгэлийг олоход хэцүү. Тиймээс танд дурласан эр хүн таныг алгуурхан эзэмдэх хэрэг гарна. Эрчүүдийг жижигхэн ч атугай амжилт гаргах тоолонд нь магтаж урамшуулж сурах хэрэгтэй.
2.Үнэнч овчарк
Хэрвээ та энэ нохойг сонгосон бол хайр таны хувьд хоосон үг биш. Хэрвээ та дурласан бол бие сэтгэл, зүрхээрээ дурладаг. Та бол гайхалтай гэрийн эзэгтэй. Хүүхдүүдийнхээ төлөө юуг ч хийж чадах хүн. Гэвч таныг гэр бүлдээ бүтээж байгаа бүхнийг үнэлдэггүй эрчүүдийг сонгох нь бий. Тэд ч сайхан зүйлд амархан дасаж, бүх зүйл өөрөө аяндаа бүтчихнэ гэж үзнэ. Гэвч амьдрал тийм биш.
Танд хичээл зүтгэлийг тань үнэлэх эр хүн хэрэгтэй. Хатны дэргэд зөвхөн хаан л байх ёстой. Харин та үнэхээр хатан, маш хээнцэр тансаг эмэгтэй гэдгээ мэдрэх хэрэгтэй. Сонгосон эр хүн тань таныг үнэлдэг бол спорт хувцастай байсан ч та дэгжин харагдаж чаддаг.
3.Эгдүүтэй бяцхан терьер
Таны дотоод мөн чанараас цэцэг цэцэглэдэг гэхэд болно. Хэдийгээр та гаднаа эмэгтэйлэг нэгэн боловч дотроо бол ган төмөр мэт эцэж цуцашгүй шаргуу хүн. Танд танаас илүү хүчирхэг хүн хэрэгтэй. Олонх эрчүүдийн хувьд та бол төгс эмэгтэй. Тэд таныг насан туршдаа санаж явдаг. Харин танд хариуцлагыг өөртөө үүрч чадах эрчүүд хэрэгтэй. Залуу насандаа та өөрөөсөө сул дорой эрчүүдийг сонгосон бол сайнаар төгсөх нь юу л бол.
4.Тайван дөлгөөн, анхааралтай нохой
Таныг элдэв таагүй зүйлс, гай тотгороос хамгаалах эр хүн танд хэрэгтэй. Ардаа бат цайз мэт хүнтэй л суу гэсэн үг.
Энхрий наалинхай, эелдэг таны хувьд хайртай хүнийхээ этгээд хачин зан, дадал зуршлыг тун соргогоор хүлээн авдаг нь таагүй байдал үүсгэдэг. Гэхдээ таны зүрхийг үүрд шархлуулдаг, уучилж болшгүй зүйл бол урвалт юм.
Та нөхөр, хүүхэдтэйгээ харилцахад анхаарч, шаардлагатай бүхий л зүйлээр нь тусалдаг, бат ар тал нь байж чаддаг. Сөргөлдсөн талуудыг эвлэрүүлж, хурц асуудлыг зөөлрүүлэх нь таны авьяас чадвар юм.
Хэрвээ та алийг нь ч сонгоогүй бол
Та бол үнэхээр бүтээлч нэгэн. Таны хувьд бүтээл байдал гэдэг жирийн нэгэн үг биш, амьдралын тань стиль, хэв маяг гэсэн үг. Та ер бусын гэсэн бүхэнд дурладаг, хүмүүсийг “уншиж” чаддаг.
Танд тохирох эр хүн бол ааш зангийн хувиралд тань хүлээцтэй хандаж чаддаг, зөөлөн сэтгэлтэй, халамжтай эр хүн юм. Та нөхрөөсөө санхүүгийн хараат амьдарч чадахгүй. Бас харамч нарийн эрчүүдийг тэвчдэггүй. Өгөөмөр зан таны хувьд өгөөмөр сэтгэлийн илэрхийлэл билээ.