Сонгинохайрхан дүүргийн 24-р хороонд харьяалалтай ахмадууд өнөөдөр (2018.01.28) үнэ төлбөргүй шинжилгээнд хамрагдаж байна. Баянбилэг өрхийн эмнэлэгт очисноор дотор, зүрх судас, нүд, шүд, чих хамар хоолой, мэдрэлийн нарийн мэргэжлийн эмч нарын үзлэгт орох боломжтой.
Мөн эхо, зүрхний цахилгаан бичлэг зэрэг оношилгоог хийж байгаа төдийгүй биохими, шээсний шинжилгээ авч, нарийн мэргэжлийн эмч нар зөвлөгөө, үзлэг хийж байна. Энэ ажлыг УИХ-ын гишүүн Д.Сумъяабазар санаачлан хэрэгжүүлж байгаа аж. Тэрбээр тус дүүргээс сонгогдсон бөгөөд жилд сар бүр ахмадууддаа чиглэсэн тодорхой арга хэмжээ зохион байгуулдаг юм. Энэ удаад сар шинийн баяр болох гэж байгаатай холбогдуулан уг ажлыг хэрэгжүүлжээ.
