Монголчууд хонины ноосоор хийсэн даавуун пүүз үйлдвэрлэнэ

Гутал нь хүний тухай маш олон зүйлийг хэлж өгдөг.  Дэлгүүр, худалдааны төвүүдэд халуун дулаан, хөлд эвтэйхэн өсгийтэй, өсгийгүй, арьсан, сетк, даавуун гээд маш өргөн сонголттой загварлаг пүүз худалдан авдаг.  Гарааны бизнес эрхлэгч монгол залуус  хонины ноос ашиглан “Nu step”  нэртэй даавуун пүүз хийхээр зэхэж байна. Тэд энэ санаагаа  Америкийн “Allbirds”брэндээс олсон бөгөөд эхний ээлжинд үйлдвэрлэсэн 75 ширхэг пүүзээ ирэх гуравдугаар сараас  МУИС-ийн оюутан, багш нарт хэрэглүүлж туршин, тэдний санал зөвлөмжийг сонсохоор төлөвлөсөн байна.  Одоогоор манай улсад пүүз хийх тоног төхөөрөмж дутагдалтай учираас бүтээгдэхүүнээ Хятадад үйлдвэрлүүлэхээр зэхэж байгаа аж.