Налайх дүүргийн ЗДТГ-т нийслэлийн Засаг даргын захирамжаар байгуулагдсан хяналт-шинжилгээ, үнэлгээ хийх ажлын хэсэг өнөөдөр ажиллаж байна.
Ажлын хэсгийг нийслэлийн ЗДТГ-ын Төрийн захиргааны удирдлагын хэлтсийн дарга Ү.Ганболд ахалж байгаа бөгөөд нийтдээ 12 хүний бүрэлдэхүүнтэй ажиллаж байгаа юм. 2018 оны нэгдүгээр сарын 1-нээс мөрдөгдөж эхэлж байгаа Бодлого төлөвлөлтийн тухай хууль, Нутгийн захиргааны байгууллагын үйл ажиллагаанд хяналт-шинжилгээ, үнэлгээ хийх журмын дагуу үйл ажиллагаанд хяналт-шинжилгээ, үнэлгээ хийх, шалган зааварчлах чиглэлээр ажиллаж байна гэж Налайх дүүргийн ЗДТГ-аас мэдээллээ.
