Баянзүрх дүүргийн Эрүүгийн хэргийн шүүхэд өнөөдөр 10:00 цагаас 13 настай охины амь насыг хөнөөсөн хэрэгт холбогдох хэргийн урьдчилсан хэлэлцүүлэг боллоо. Хурлаар энэ хэргийг мөрдөн шалгах ажиллагаа хийлгэх шаардлагатай хэмээн үзэж прокурорт буцаажээ. Сэжигтэн Д.Жавхлан, М.Амарболд нарыг Эрүүгийн хуулийн 10.1-2.7, 10.1-2.11, 17.2-1-д зааснаар буруутгаж буй.
Өнгөрсөн оны наймдугаар сарын 23-нд Баянзүрх дүүргийн нутагт үйл ажиллагаа явуулдаг “Очир төв” зочид буудалд 13 настай охин хүчирхийллийн золиос болж, бусдын гарт амиа алдсан юм.
