Жил бүр хоёр он солигдох торгон агшинд өмнөх Ерөнхийлөгчид ард түмэндээ хандаж үг хэлэн, оргилуун дарс өргөж, шинэ он ирснийг орон даяар зарладаг байв. Энэ уламжлалыг Ерөнхийлөгч асан Ц.Элбэгдорж эвдэж 2011 оноос хойш он солигдох мөчид ард түмэнтэйгээ цэнхэр дэлгэцээр сүүтэй мэндчилсээр ирсэн билээ.
Тэрбээр архины эсрэг санаачилга гаргаж, ийнхүү цагаан идээг дээдэлсэн юм. Харин Монгол Улсын тав дахь Ерөнхийлөгч Х.Баттулга өмнөх Ерөнхийлөгчийн халааг үргэлжүүлэх үү эсвэл оргилуун дарс өргөхүү гэдгийг монголчууд бид “тахиаг” үдэж “нохойг” угтахдаа харах л үлдлээ.
