Warning: include_once(/home/spotligh/updown.mn/wp-includes/header.php): Failed to open stream: No such file or directory in /home/spotligh/updown.mn/wp-config.php on line 103

Warning: include_once(): Failed opening '/home/spotligh/updown.mn/wp-includes/header.php' for inclusion (include_path='.:/opt/cpanel/ea-php81/root/usr/share/pear') in /home/spotligh/updown.mn/wp-config.php on line 103
Саудын ханхүү Аль-Валидыг зургаан тэрбумаар суллана гэв – updown.mn

Саудын ханхүү Аль-Валидыг зургаан тэрбумаар суллана гэв

-16.8 тэрбум ам.долларын хөрөнгөтэй гэгдэх Саудын Арабын хааны ач хүү, бизнесмэн Аль-Валидыг өнгөрсөн арваннэгдүгээр сард авлигын хэрэгт сэжиглэн саатуулсан билээ. Түүнийг зургаан тэрбум ам.доллар төлж байж чөлөөлнө гэсэн нөхцөл гаргажээ-

Саудын Арабын засаг захиргаа хааныхаа ач Аль-Валид бин Талал Аль Саудыг доод тал нь зургаан тэрбум ам.доллар төлж байж чөлөөлөх нөхцөл тавьжээ. Энэ тухай ойрын эх сурвалжийн мэдээлэлд үндэслэн “Wall Street Journal” мэдээлсэн байна.

Өдгөө 62 настай ханхүүг авлигатай тэмцэх томоохон кампанит ажлын хүрээнд хааны гэр бүлийн арван гишүүн, түүнчлэн эрх бүхий албан тушаалтнууд, бизнес эрхлэгчийн хамт өнгөрсөн арваннэгдүгээр сарын эхээр баривчилсан юм. Тус улсад өрнөж буй авлигатай тэмцэх кампанит ажлыг угсаа залгамжлагч ханхүү Мухаммед ибн Салман Аль Сауд удирдаж байна. Саудын засаг захиргаанаас саатуулагдсан этгээдүүдийг чухам ямар хэрэгт буруутгаж байгаа тухай мэдээлэл бага байна хэмээж буй. Харин Аль-Валидыг мөнгө угаасан, хээл хахууль өгсөн, авлига авсан гэх хэрэгт буруутгаж байгаа юм. Баривчлагдсан хүмүүсийг Эр-Риядын “Ритц-Карлтон” дээд зэрэглэлийн зочид буудалд саатуулаад байна.

Аль-Валид нь “Kingdom Holding Co” компаниар дамжуулан Twitter, Citigroup, Four Seasons Hotels&Resorts зэрэгт хувь эзэмшдэг. Түүний эзэмшлийн холдингийн зах зээлийн өртөг 8.7 тэрбум ам.доллараар үнэлэгддэг бөгөөд ханхүүгийн нийт хөрөнгө 16.8 тэрбум ам.доллар билээ. “Kingdom Holding Co” компанийн хувьцаа Аль-Валидыг баривчлагдсанаас хойш 14 хувиар унажээ.

“Wall Street Journal”-ын өөр эх сурвалжийн мэдээлж буйгаар Аль-Валид ийм хэмжээний мөнгө төлөөд гарах нь буруугаа хүлээсэн хэрэг болно гэж үзэж байгаа гэнэ. Ингэснээр тэр 25 жилийн турш барьж босгосон санхүүгийн эзэнт гүрнээ устгах болно гэж тооцоолжээ. Хэлэлцээрийн үеэр тэр бизнесийнхээ ихэнх хэсгийг төр засагт өгөөд эрх чөлөөтэй болъё гэсэн тухай “Wall Street Journal” мэдээлж байна. Гэхдээ Аль-Валид Kingdom Holding Co”-ынхоо тэргүүнээр үлдэх хүсэлтэй гэнэ.

“Тэр жинхэнэ мөрдлөг шалгалтыг хүсч байна. Аль-Валид угсаа залгамжлагч ханхүүд нэлээд том таагүй асуудал үүсгэх төлөвтэй байгаа” хэмээн саатуулагдсан бизнесмэнтэй ойр эх сурвалж “Wall Street Journal”-д мэдээлжээ.

Энэ сарын эхээр саудууд авлигатай тэмцэх кампанит ажлынхаа хүрээнд хариуцлагад татаж буй хүмүүсийнхээ тоог ил болгосон билээ. Тодруулбал, 320 хүнээс мэдүүлэг авч, 159-ийг нь саатуулжээ. Гэсэн хэдий ч тус улсын засаг захиргаа саатуулагдсан этгээдүүдийг мөнгө өгвөл дуртайяа суллаж байгаа юм. Өнгөрсөн арваннэгдүгээр сарын сүүлчээр л гэхэд ханхүү Митаб бен Абдалла хэлэлцэж тохиролцсоны дагуу улсад нэг тэрбум гаруй ам.доллар тушааж, суллагджээ. Саудчууд түүнчлэн саатуулагдсан этгээдээс авах мөнгийг хуримтлуулдаг тусгай данс хүртэл нээсэн байна. Энэ дансаар тус улсын засаг захиргаа 50-100 тэрбум ам.доллар олох магадлалтай байгаа аж.

6 thoughts on “Саудын ханхүү Аль-Валидыг зургаан тэрбумаар суллана гэв

  1. өөө 2017-12-25 10:18 at 10:18

    манайхан бас ингэмээр юм, улсын хөрөнгө завшсан хогнуудыг барьж аваад, сая сая доллар аваад суллаад байвал овоо мөнгө олчих юм биш үү

    Хариулах
  2. хихих 2017-12-25 10:19 at 10:19

    62 настай ханхүү гэнэүү

    Хариулах
  3. Нэргүй 2017-12-25 10:26 at 10:26

    Ханхүү гэх нь зохимжгүй. Одгэрэлийг охин гэсэнтэй адилхан. Хунтайж гэж үг байна шүү дээ.

    Хариулах
  4. arab pizda bn 2017-12-25 11:32 at 11:32

    6 terbum dollar pizda gej

    Хариулах
  5. Нэргүй 2017-12-25 12:09 at 12:09

    yu dutlaa gej avilgal avdag bnaa.

    Хариулах
  6. зочин 2017-12-25 12:20 at 12:20

    Ц.Элбэгдорж, Ми.Энхболд нарыг бариад БНХАУ-ын хахуультай тэмцэж буй аргаар шийтгэхэд бусад нь хөрөнгөө өгөөд ард олон амар сайхан жаргана даа. Толгой илээд байвал намаар халхавч хийгээд авлигачдыг төрүүлээд бүлэглэл байсаар олон түмэн хоосорсоор өрөнд орсоор байх болно.

    Хариулах

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн