Монголын спортын багийн хүүхдүүд Эрхүүд болсон Станислав Копыловын нэрэмжит тэмцээнд оролцчихоод буцаж явах замдаа Улаан-Үд-Хиагт чиглэлийн хурдны замд осолд орсон хэрэг өчигдөр гарчээ.
Хүүхдүүд микро автобусанд зорчиж явсан бөгөөд жолооч нь Ниссан маркийн суудлын тэрэгтэй мөргөлдсөн байна. Ослын үеэр микроны жолооч амиа алдаж, 12 тамирчин, гурван дасгалжуулагчдад эмнэлгийн яаралтай тусламж үзүүлжээ.
Буриадын Залуус, спортын асуудал хариуцсан яамнаас өгсөн мэдээллээр тамирчин хүүхдүүд гэмтэж бэртээгүй бөгөөд өнөөдөр гэртээ ирэх аж. Хүүхдүүд Гусино нуурын зочид буудалд амарч байгаа бөгөөд өнөөдөр Сэлэнгээс автобус ирж хүүхдүүдийг авах юм байна. Улмаар Хиагт хүргэж өгөөд Монголын талын автобусанд суулгахаар болжээ. Харин ослын шалтгааныг тодруулахаар Буриадын цагдаагийн хэлтэс ажиллаж байгаа юм байна.
Бичих гэж ёстой хүүрийг нь тараадаг нөхөр байна даа… Ямар /эсвэл ямар ямар/ спортын баг юм? Гусино нуур гэдэггүй Галуут нуур гэдэг юмсан. Оросоор нь бичмээр байгаа бол Гусиноозерск гэдэг юм.