Дуучин Жастин Бибер, Селена Гомес нар хэд хэдэн удаа салж, нийлсэн билээ. Харин одоо хүү нь хуучин найз бүсгүй Селена Гоместойгоо харилцаагаа дахин сэргээхийг оролдож буй энэ үед Жастины Биберийн ээж дуугүй өнгөрч чадсангүй.
Бибер, Гомес нар гэрэл зурагчид, камераас холхон байхыг хичээж байх зуур ээж Пэтти Маллет нь 25 настай Селенагийн тухай юу боддог тухай ярилцлага өгчээ.
Тэрбээр “Би тэдний ямар харилцаатай тухай бараг юу ч мэдэхгүй. Яагаад гэвэл хүү маань юу бодож байгаагаа ховорхон ярьдаг. Гэхдээ надад энэ охин таалагдаж байна. Жастин үнэхээр л Селенад хайртай бол би бүх зүйлээр дэмжинэ. Өөрөөр хэлбэл би ч Селенад хайртай болно гэсэн үг. Бид бие биеэ эртнээс мэддэг болсон, бидний дунд онцгой холбоо бий. Селенаг үнэхээр гайхалтай охин гэж боддог” гэж мэдэгджээ.
Түүнчлэн тэрбээр “BuzzFedd”-д ярихдаа хүүгийнхээ ямар ч сонголтыг дэмжинэ гэжээ. Холливудад уруу татах зүйл олон байдаг. Эндээс өөрийнхөө түшиг тулгуур, дэмжлэг болох хүнийг олох нь чухал гэж Патти Маллет ярьжээ.
Селена Гомес, Жастин Бибер нар 2011 оноос эхлэн үерхэж эхэлсэн билээ. Дурлалт хос хэд хэдэн удаа салж нийлсэн юм.
