Өнөө өглөө 7:45 цагт Баянгол дүүргийн гуравдугаар хорооны нутаг дэвсгэрт байрлах Нарны гүүрэн дээр нийтдээ 20 машин хоорондоо мөргөлдөж, шүргэлцсэн ноцтой осол гарчээ. Осол гарах үеэр нарны гүүр өгсөж байсан автомашинд техникийн саатал гарч, унтарсанаас болж ард нь зорчиж байсан долоо машин мөргөжээ. Үүний ард дахин таван машин шүргэлцэж, эсрэг урсгалд мөн гурван машин мөргөлджээ. Хөдөлгөөнийг зохицуулахын тулд тус дүүргийн замын цагдаагийн албанаас замыг түр хааж, чөлөөлсөн байна. Одоогоор замын хөдөлгөөн хэвийн үргэлжилж байгаа гэнэ.