Ерөнхий сайд У.Хүрэлсүх өнөөдөр үдээс өмнө “Мах маркет”, “Мах импекс” компанид ажиллаж, махны экспортыг нэмэгдүүлэхэд анхаарлаа хандуулна гэдгээ мэдэгдлээ. Ялангуяа адууны мах бэлтгэхэд илүү анхаарч, экспортыг нэмэгдүүлэх нь зүйтэй гэж онцлов.
Манай улс энэ оны арваннэгдүгээр сарын байдлаар 21.5 мянган тн мах ОХУ, БНХАУ, Казахстан, Япон, Иран, Катар зэрэг улсад экспортложээ. Энэ нь өнгөрсөн таван жилийнхтэй харьцуулахад махны экспорт тав дахин нэмэгдсэн үзүүлэлт бөгөөд долоо дахин нэмэгдүүлэх боломжтой аж. Мөн мах бэлтгэн боловсруулдаг тус компанийн өргөтгөл, техникийн шинэчлэл хийхэд нь хөрөнгө оруулалтын болон үйлдвэрлэлийг дэмжих зээлд хамруулж, анхаарч ажиллахыг Ерөнхий сайд У.Хүрэлсүх ХААХҮ-ийн сайд Б.Батзоригт үүрэг болголоо.