“Исламын улс” алан хядах бүлэглэлийн дайчид Европ дахь Зул сарын баярын яармагуудад халдлага хийхийг уриалсан суртал ухуулгын материалуудыг тарааж эхэлжээ. Энэ тухай “Daily Mail” мэдээлсэн байна. Хэт даврагчид лоозонтой зургийг мессенжэрийн тусламжтайгаар тарааж байгаа аж. Ингэхдээ нэг сурталчилгаанд Лондоны Рижент-Стритэд Санта-Клаусын ард амиа золиослогч алан хядагч этгээд зогсож байгааг дүрсэлжээ. Энэхүү материалд англи, франц, герман хэлээр “Удахгүй та нарын баяр болно” гэж бичсэн байна. Өөр нэг зурагт ухуулгад Парисын Эйфелийн цамхаг руу гартаа хутга бариад чиглэж буй хүнийг дүрсэлжээ.
