Канадын иргэн, өдгөө 40 настай Киана Букер охидтойгоо хамт авахуулсан зургуудаараа “Инстаграм”-ын од болжээ. Анхандээ “Инстаграм”-ын хэрэглэгчид нүдэндээ ч итгэхгүй байснаа сүүлдээ Киенагаас мөнхийн залуу байдаг нууцаа хуваалцахыг хүсчээ.
Бүх зүйл өнгөрсөн 06 дугаар сард буюу Киана нэгэн зураг тавьснаас эхэлсэн юм. Хүмүүс ч тэр зургийг өлгөн авч, аль нь охин нь, аль нь ээж нь вэ гэдгийг ялгасангүй.
Зарим нь энэ зургийг үнэн гэдэгт эргэлзэж, эгч дүү гурав л зургаа авахуулсан байна гэж байлаа. Зарим нь Кианаг анхныхаа хүүхдийг 15-тайдаа гаргасан биз гэцгээж байв.
Үнэндээ Кианагийн охид 16, 18 настай бөгөөд өөрөө аль хэдийнэ 40 гарсан гэжээ. Үсчнээр ажилладаг тэрбээр эхэн үедээ зургийн доорх сэтгэгдлүүдэд ихэд дургүйцэж байсан боловч сүүлдээ тоосон больсон гэсэн байна.
