Онцлох мэдээЭдийн засаг

2018 оны нэгдүгээр сард нэмэгдэх татварууд

ОУВС-гийн “Өргөтгөсөн санхүүжилтийн хөтөлбөр” хэрэгжүүлэх болсноор Монгол Улс төсвийн орлогоо нэмэгдүүлж, зарлагаа танах шаардлагатай тулгарсан. Үүний хүрээнд төсвийн орлогыг бүрдүүлэхээр долоон төрлийн тавтарыг нэмэгдүүлэхээр болсон. Ирэх оны нэгдүгээр сараас доорх гурван төрлийн татвар нэмэгдэх юм.

Архи, тамхины онцгой албан татвар: Тамхи, согтууруулах ундааны онцгой албан татвар

-2018 оноос 10 хувиар,

-2019 оноос 5 хувиар,

-2020 оноос эхлэн 5 хувиар тус тус нэмэгдэх юм.

Хувь хүний орлогын албан татвар: Хувь хүний орлогын албан татварын шатлалыг цалин хөдөлмөрийн хөлс болон түүнтэй адилтгах хөдөлмөр эрхлэлтийн орлогод 2018 оны нэгдүгээр сарын 1-ний өдрөөс эхлэн 10-25 хувиар 4 шатлал бүхий татвар ногдуулна. Ингэснээр өндөр орлоготой иргэдийн татварын ачаалал нэмэгдэхээр байна. Тухайлбал, сарын 2.5 сая төгрөгийн орлогод 11.2 хувиар, сарын 4.0 сая төгрөгийн орлогод 15.1 хувиар татвар ногдож байна. Одоогоор 900.0 мянга орчим татвар төлөгч бүртгэлтэй байгаа бөгөөд нийт татвар төлөгчдийн 95 орчим хувь нь 10 хувиас бага татвар төлөхөөр, үлдэх 5 гаруй хувь нь татварын шатлалд хамрагдаж 10 хувиас их татвар төлөхөөр байна.Тус татвараас төсвийн орлого 2018 онд 51.5 тэрбум төгрөгөөр нэмэгдэх ажээ.

Түүнчлэн, хувь хүний орлогын албан татварын хөнгөлөлт одоогийн хуулиар 84.0 мянган төгрөг байгааг 2018 онд 120.0 мянган төгрөг, 2019 онд 160.0 мянган төгрөг, 2020 онд 200.0 мянган төгрөг, 2021 онд 240.0 мянган төгрөг болгон хөдөлмөрийн хөлсний доод хэмжээтэй уялдуулан үе шаттай нэмэгдүүлэхээр хуулийн төсөлд тусгасан байна. Хувь хүний орлогын албан татварын хөнгөлөлтийн хэмжээг 240 мянган төгрөг болгож нэмэгдүүлснээр сарын 1.8 сая төгрөгийн цалин болон түүнтэй адилтгах орлоготой иргэдийн татварын ачаалал буурах бөгөөд хөдөлмөрийн хөлсний доод хэмжээгээр цалинжиж байгаа иргэд татвар төлөхгүй юм байна.

Нийгмийн даатгалын сангийн шимтгэлийг нэмэгдүүлэх: Нийгмийн даатгалын тухай хуулийн дагуу ажил олгогчийн хөдөлмөрийн хөлсний сан, түүнтэй адилтгах орлого болон даатгуулагчийн хөдөлмөрийн хөлс, түүнтэй адилтгах орлогоос төлөх тэтгэврийн даатгалын шимтгэлийн хувь хэмжээг 2017 онд тус бүр 7.0 хувь, 2018 онд тус бүр 8.0 хувь, 2019 онд тус бүр 8.5 хувь, 2020 онд тус бүр 9.5 хувьтай байна. Харин сайн дурын даатгуулагчийн тэтгэврийн даатгалд сард төлбөл зохих шимтгэлийн доод хэмжээ нь 2017 онд хөдөлмөрийн хөлсний доод хэмжээний 10.0 хувиас, 2018 онд 11.0 хувиас, 2019 онд 11.5 хувиас, 2020 онд 12.5 хувиас багагүй байхаар өөрчлөлт оруулахаар тусгасан байна.

Түлхүүр үг

ХОЛБООТОЙ МЭДЭЭ

6 Сэтгэгдэлтэй

  1. татвар арай дэндүү байна. Би 350 мянган төгрөгийн цалинтай. Бараг 60 мянга нь татварт явж байна шүү дээ

  2. Татвар энэ суутгал нь энэхэн жижиг цалингаас суутгахад юу ч үлдэхгүй юм. Татварыг болиосой. Нийгмийн даатгал бол сайн дурынх болох хэрэгтэй Тэртэй тэргүй улсаас юу ч авч чаддаггүй үхдэг дээ

  3. ЯГ ҮНЭН ЭНЭ ЗАСГИЙН ГАЗАР АРД ОЛНОО ШУЛЖ орлого бүрдүүлж байхаар 76 -гийн авач кармаалаад бгааа ТУРБУМ төгрөгүүдийг БОЛИУЛААЧ ЭЭ

  4. 100 ямаанд 60 ухна гэгчээр, 3 саяхан хүн амтай улсад 76 арай их байна. 76 уулаа татвар нэмж, ард иргэдээ улам ядууруулах шийдвэр гаргаж байгаа юм чинь 76 г цөөлж, аймаг, дүүрэг болгоноос 1 гишүүн гаргах хэрэгтэй.

  5. хохь чинь та нар яах гэж сонгосон юм бензины үнэ нэмэгдэхээр яаж амьдрахыг чинь харнаа

Сэтгэгдэл

Таны сэтгэгдэл

Back to top button
Close